Author: WEB EDITOR

കേരള കോ-ഓപ്പറേറ്റീവ് എംപ്ലോയീസ് യൂണിയൻ സംസ്ഥാന കൗൺസിൽ ചെർക്കളയിൽ ചേർന്നു. യൂണിയൻ സംസ്ഥാന ജനറൽ സെക്രട്ടറി എളമരം കരിം ഉദ്ഘാടനം ചെയ്തു. യൂണിയൻ – സി. ഐ.ടി. യു.സംസ്ഥാന നേതാക്കന്മാർ സമ്മേളനത്തെ അഭിസംബോധന ചെയ്തു. സഹകരണ പ്രസ്ഥാനവും സഹകരണ ജീവനക്കാരുടെ സുരക്ഷിതത്വവും താൽപ്പര്യവും സംരക്ഷിക്കണമെന്നു കൗൺസിൽ ആവശ്യപ്പെട്ടു. സംസ്ഥാനത്തിന്റെ വിവിധ ഭാഗങ്ങളിൽ നിന്നു 300 ൽ പരം പ്രതിനിധികൾ പങ്കെടുത്തു.

കാസർകോട്: കാസർകോട് ശ്രീ ധർമശാസ്താ സേവാ സംഘത്തിന്റെ ആഭിമുഖ്യത്തിൽ അയ്യപ്പൻ തിരുവിളക്ക് ഉത്സവത്തിന്റെ ഭാഗമായി പാലക്കൊമ്പ് എഴുന്നള്ളത്ത് ഭക്തിപൂർവം ആഘോഷിച്ചു. സുർളു ശ്രീ ഗുഡ്ഡെമനെ തറവാട്ടിൽ നിന്നാണു എഴുന്നള്ളത്ത് ആരംഭിച്ചത്. എഴുന്നള്ളത്തിൽ ശരണം വിളികളുമായി അയ്യപ്പ ഭക്തന്മാർ പങ്കെടുത്തു.അയ്യപ്പനും വാവരും വെട്ടും തടവും പുലർച്ചെ ക്ഷേത്ര സന്നിധിയിൽ നടക്കും.പാലക്കൊമ്പ് എഴുന്ന ള്ളത്തിനെത്തുടർന്നു കലാപരിപാടികൾ, തായമ്പക എന്നിവയുമുണ്ടായിരുന്നു. തുടർന്ന് അയ്യപ്പൻ ഗീതം, വേട്ടവിളി ,കനൽ സേവ എന്നിവയുമുണ്ട്.