WEB EDITOR, Author at Karaval Daily : Page 194 of 255

വയനാട്ടില്‍ വീണ്ടും കാട്ടാന ആക്രമണം; യുവാവിനു ദാരുണാന്ത്യം, മൂന്നു ദിവസത്തിനുള്ളില്‍ നാലു മരണം

by WEB EDITORLocal News Wednesday, 12 February 2025, 11:14Wednesday, 12 February 2025, 11:14No Comments

കല്‍പ്പറ്റ: വയനാട്ടില്‍ വീണ്ടും കാട്ടാന ആക്രമണം. യുവാവ് മരിച്ചു. അട്ടമല കോളനിയിലെ കറുപ്പന്റെ മകന്‍ ബാലന്‍ (27)ആണ് കൊല്ലപ്പെട്ടത്. കടയിലേക്ക് സാധനങ്ങള്‍ വാങ്ങാന്‍ പോയി വീട്ടിലേക്ക് മടങ്ങുന്നതിനിടയിലാണ് കാട്ടാന ആക്രമിച്ചത്. ബുധനാഴ്ച രാവിലെ തല ചതഞ്ഞരഞ്ഞ നിലയിലാണ് മൃതദേഹം കാണപ്പെട്ടത്. വിവരമറിഞ്ഞ് പൊലീസും വനംവകുപ്പു അധികൃതരും സ്ഥലത്തെത്തിയിട്ടുണ്ട്. ചൊവ്വാഴ്ച ഉണ്ടായ കാട്ടാന ആക്രമണത്തില്‍ മാനു (46)വെന്ന യുവാവാണ് കൊല്ലപ്പെട്ടത്. ഇതു വലിയ പ്രതിഷേധങ്ങള്‍ക്ക് ഇടയാക്കിയിരുന്നു. ഇടുക്കി, തിരുവനന്തപുരം ജില്ലകളിലാണ് മറ്റു രണ്ടു പേര്‍ കാട്ടാന ആക്രമണത്തില്‍ കൊല്ലപ്പെട്ടത്.

ബൈക്കിലെത്തിയ സംഘം ആയുര്‍വേദ മരുന്നു കടയുടമയുടെ കഴുത്തില്‍ നിന്നു മൂന്നരപവന്‍ മാല പൊട്ടിച്ചു രക്ഷപ്പെട്ടു; സംഭവം നീര്‍ച്ചാല്‍ മീത്തല്‍ ബസാറില്‍, അക്രമികളെ കണ്ടെത്താന്‍ തെരച്ചില്‍ തുടങ്ങി

by WEB EDITORLocal News Wednesday, 12 February 2025, 10:40Wednesday, 12 February 2025, 10:40No Comments

കാസര്‍കോട്: നെഞ്ചുവേദനയ്ക്കുള്ള മരുന്നു വാങ്ങാനെന്ന വ്യാജേനയെത്തിയ രണ്ടംഗ സംഘം ആയുര്‍വേദ മരുന്ന് ഷാപ്പ് ഉടമയുടെ കഴുത്തില്‍ നിന്നും മൂന്നരപ്പവന്‍ തൂക്കമുള്ള കരിമണി മാല പൊട്ടിച്ചോടി. ജൈനമൂല സ്വദേശിനിയും മീത്തല്‍ നീര്‍ച്ചാലിലെ ആയുര്‍വേദ മരുന്നുകട ഉടമയുമായ പരേതനായ ശങ്കരനാരായണന്റെ ഭാര്യ എസ്.എന്‍ സരോജിനി (64)യുടെ കഴുത്തില്‍ നിന്നാണ് മാല പൊട്ടിച്ചത്. ചൊവ്വാഴ്ച വൈകുന്നേരം മൂന്നരമണിയോടെയാണ് സംഭവം. ഹെല്‍മറ്റ് ധരിച്ച് ബൈക്കിലെത്തിയ യുവാക്കളില്‍ ഒരാള്‍ കടയില്‍ എത്തി നെഞ്ചുവേദനക്കുള്ള മരുന്നു വേണമെന്നു ആവശ്യപ്പെട്ടു. മരുന്നു എടുക്കുന്നതിനിടയില്‍ യുവാവ് സരോജിനിയുടെ കഴുത്തില്‍ …

അയോധ്യ രാമക്ഷേത്രം മുഖ്യപൂജാരി മഹന്ത് സത്യേന്ദ്രദാസ് അന്തരിച്ചു

by WEB EDITORNational Wednesday, 12 February 2025, 10:37Wednesday, 12 February 2025, 10:37No Comments

അയോധ്യ: അയോധ്യയിലെ രാമജന്മഭൂമി ക്ഷേത്രം മുഖ്യ പൂജാരി മഹന്ത് സത്യേന്ദ്രദാസ് (85) അന്തരിച്ചു.മസ്തിഷ്‌കാഘാതത്തെ തുടര്‍ന്നു മഹന്ത് സത്യേന്ദ്രദാസിനെ ഈ മാസമാദ്യം ലക്‌നൗവിലെ സഞ്ജയ്ഗാന്ധി പോസ്റ്റ് ഗ്രാജ്വേറ്റ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ പ്രവേശിപ്പിച്ചിരുന്നു. ബുധനാഴ്ച രാവിലെയാണ് അദ്ദേഹം മരിച്ചത്. 20 വയസ്സു മുതല്‍ അദ്ദേഹം പ്രധാന പൂജാരിയായി പ്രവര്‍ത്തിക്കുകയായിരുന്നു.

കാട്ടുകുക്കെയില്‍ യുവാവിനെ കൊലപ്പെടുത്തി മൃതദേഹം കത്തിച്ച കേസ്; പിടികിട്ടാപ്പുള്ളി അറസ്റ്റില്‍

by WEB EDITORLocal News Wednesday, 12 February 2025, 10:13Wednesday, 12 February 2025, 10:13No Comments

കാസര്‍കോട്: ബദിയഡുക്ക പൊലീസ് സ്റ്റേഷന്‍ പരിധിയിലെ എന്‍മകജെ, കാട്ടുകുക്കെയില്‍ യുവാവിനെ കൊലപ്പെടുത്തി മൃതദേഹം കത്തിച്ച കേസില്‍ അറസ്റ്റിലായി ജാമ്യത്തിലിറങ്ങി മുങ്ങിയ പിടികിട്ടാപ്പുള്ളി അറസ്റ്റില്‍. ഛത്തീസ്ഗഡ്, നാരായണ്‍പൂര്‍ സ്വദേശി ദീപക് കുമാര്‍ സലാമി(32)നെയാണ് തമിഴ്നാട്, ഈറോഡില്‍ വച്ച് ബദിയഡുക്ക പൊലീസ് അറസ്റ്റു ചെയ്തത്. ഇന്‍സ്പെക്ടറുടെ നിര്‍ദ്ദേശ പ്രകാരം സിപിഒമാരായ ഗോകുല്‍, ഹാരിഫ്, ശ്രീനേഷ് എന്നിവരാണ് പ്രതിയെ പിടികൂടിയത്.2017 ഡിസംബര്‍ 30നാണ് കാട്ടുകുക്കെയിലെ ബാലഗോപാല കൃഷ്ണഭട്ടിന്റെ പറമ്പില്‍ കത്തിക്കരിഞ്ഞ നിലയില്‍ അജ്ഞാത മൃതദേഹം കാണപ്പെട്ടത്. തിരിച്ചറിയാന്‍ കഴിയാത്ത നിലയിലായിരുന്നു മൃതദേഹം. …

നരബലി നടത്തിയാല്‍ നിധി ലഭിക്കുമെന്നു ജ്യോത്സ്യന്റെ പ്രവചനം; നിരപരാധിയെ സ്‌കൂട്ടറില്‍ കയറ്റിക്കൊണ്ടു പോയി വെട്ടിക്കൊന്നു, ഹോട്ടല്‍ തൊഴിലാളിയും ജ്യോത്സ്യനും അറസ്റ്റില്‍

by WEB EDITORNational Wednesday, 12 February 2025, 9:43Wednesday, 12 February 2025, 9:43No Comments

ചിത്രദുര്‍ഗ്ഗ: നരബലി നടത്തിയാല്‍ നിധി ലഭിക്കുമെന്ന ജ്യോത്സ്യന്റെ പ്രവചനം വിശ്വസിച്ച് ഹോട്ടല്‍ തൊഴിലാളി നിരപരാധിയെ വെട്ടിക്കൊന്നു. നാടിനെ നടുക്കിയ സംഭവത്തില്‍ ഹോട്ടല്‍ തൊഴിലാളിയും ജ്യോത്സ്യനും അറസ്റ്റില്‍. ഫെബ്രുവരി 9ന് ആണ് ക്രൂരമായ കൊലപാതകം നടന്നത്. ചിത്രദുര്‍ഗ്ഗ, ചല്ലക്കരെ, പരശുറാംപൂര്‍ പൊലീസ് സ്റ്റേഷന്‍ പരിധിയിലെ ജെ ജെ കോളനിയില്‍ താമസക്കാരനും തുകല്‍പണിക്കാരനുമായ ജിഎച്ച് പ്രഭാകര (50)ആണ് കൊല്ലപ്പെട്ടത്. കൊല നടത്തിയ ആന്ധ്രാപ്രദേശ് കുന്ദര്‍പി, കൗരംപള്ളി സ്വദേശിയും പാവഗഡിയിലെ ഹോട്ടല്‍ തൊഴിലാളിയുമായ ആനന്ദറെഡ്ഡി, നരബലി നടത്താന്‍ ഉപദേശിച്ച ജ്യോത്സ്യന്‍ രാമകൃഷ്ണ …

കുമ്പളയിലെ മണല്‍ കടത്തുകാരെ പൂട്ടുമെന്ന് പൊലീസിന്റെ മുന്നറിയിപ്പ്; അനധികൃത കടവിലേക്ക് റോഡുണ്ടാക്കാന്‍ സൗകര്യം ചെയ്ത സ്ഥല ഉടമയ്‌ക്കെതിരെ കേസെടുത്തു

by WEB EDITORLocal News Tuesday, 11 February 2025, 15:06Tuesday, 11 February 2025, 15:06No Comments

കാസര്‍കോട്: ഷിറിയ പുഴയിലെ അനധികൃത മണല്‍ വാരലിനെതിരെ പൊലീസ് കര്‍ശന നടപടിക്കൊരുങ്ങുന്നു. ഇതിന്റെ മുന്നോടിയായി കക്കടം ജാറത്തിനു സമീപത്തെ അനധികൃത കടവിലേക്ക് റോഡുണ്ടാക്കാന്‍ സ്ഥലം അനുവദിച്ച ആള്‍ക്കെതിരെ പൊലീസ് കേസെടുത്തു. സുധീഷ് ചന്ദ്ര കല്‍പ്പാറ(55)യ്‌ക്കെതിരെയാണ് കുമ്പള പൊലീസ് സ്വമേധയാ കേസെടുത്തത്. ഷിറിയ പുഴയിലെ അനധികൃത കടവുകളെ കുറിച്ചു വിവരം ശേഖരിച്ചിട്ടുണ്ടെന്നും വരും ദിവസങ്ങളില്‍ കടവുകള്‍ തകര്‍ക്കുന്നത് ഉള്‍പ്പെടെയുള്ള നടപടികള്‍ സ്വീകരിക്കുമെന്ന് ഇന്‍സ്‌പെക്ടര്‍ കെപി വിനോദ് കുമാര്‍ പറഞ്ഞു.

കാസര്‍കോട് കലക്ടറേറ്റ് വളപ്പില്‍ തീപിടുത്തം

by WEB EDITORLocal News Tuesday, 11 February 2025, 14:58Tuesday, 11 February 2025, 14:58No Comments

കാസര്‍കോട്: കാസര്‍കോട് കലക്ടറേറ്റ് വളപ്പില്‍ തീപിടുത്തം. ചൊവ്വാഴ്ച ഉച്ചയോടെയാണ് സംഭവം. ഉണങ്ങിയ പുല്ലില്‍ നിന്നു തീ ആളിപ്പടരുകയായിരുന്നു. ചെറുമരങ്ങളും മറ്റും കത്തി നശിച്ചു. ഫയര്‍ഫോഴ്സ് എത്തിയാണ് തീയണച്ചത്.ചൊവ്വാഴ്ച തീ പിടുത്തം ഉണ്ടായ സ്ഥലത്ത് കഴിഞ്ഞ വേനല്‍ക്കാലത്തും സമാന രീതിയില്‍ തീപിടുത്തം ഉണ്ടായിരുന്നതായി ജീവനക്കാര്‍ പറഞ്ഞു.

ഉദയമംഗലം മഹാവിഷ്ണു ക്ഷേത്ര ജീവനക്കാരന്റെ മോഷണം പോയ ബാഗ് കാഞ്ഞങ്ങാട്ട് ഉപേക്ഷിച്ച നിലയില്‍ കണ്ടെത്തി; കവര്‍ച്ചക്കാര്‍ രക്ഷപ്പെട്ടത് ഫോണ്‍ ഓണ്‍ ചെയ്തു വച്ച ശേഷം, 43000 രൂപ ഒഴികെ ബാക്കി രേഖകളെല്ലാം ബാഗില്‍ ഭദ്രം

by WEB EDITORLocal News Tuesday, 11 February 2025, 14:54Tuesday, 11 February 2025, 14:54No Comments

കാസര്‍കോട്: ഉദുമ, ഉദയമംഗലം, മഹാവിഷ്ണു ക്ഷേത്ര ജീവനക്കാരന്റെ മോഷണം പോയ ബാഗ്, കാഞ്ഞങ്ങാട്, അതിഞ്ഞാലില്‍ ഉപേക്ഷിച്ച നിലയില്‍ കണ്ടെത്തി. റോഡരുകില്‍ കാണപ്പെട്ട ബാഗിനകത്തു നിന്നു മൊബൈല്‍ ഫോണ്‍ റിംഗ് ചെയ്യുന്നതു ശ്രദ്ധയില്‍ പെട്ടവര്‍ വിവരം പൊലീസിനെ അറിയിക്കുകയായിരുന്നു. പൊലീസെത്തി ബാഗ് പരിശോധിച്ചപ്പോഴാണ് മോഷണം പോയ ബാഗാണെന്നു വ്യക്തമായത്.ഉദയമംഗലം ക്ഷേത്രത്തിലെ സേവാ ക്ലര്‍ക്കായ ഉദുമ, പടിഞ്ഞാര്‍ തെരുവിലെ സി. ബാലകൃഷ്ണന്റെ ബാഗ് തിങ്കളാഴ്ച ഉച്ചയ്ക്ക് രണ്ടര മണിയോടെയാണ് മോഷണം പോയത്. സ്‌കൂട്ടറിന്റെ തകരാര്‍ പരിഹരിക്കുന്നതിനായി ഉദുമയിലെ മെക്കാനിക്കിനെ കാണിച്ചിരുന്നു. …

ഗൃഹനാഥ തൊഴിലുറപ്പിനു പോയ സമയത്ത് കവര്‍ച്ച; ആറേ കാല്‍ പവനും 18,000 രൂപയും നഷ്ടപ്പെട്ടു

by WEB EDITORState Tuesday, 11 February 2025, 13:52Tuesday, 11 February 2025, 13:52No Comments

കണ്ണൂര്‍: ഗൃഹനാഥ തൊഴിലുറപ്പിനു പോയ സമയത്ത് വീട് കുത്തിത്തുറന്ന് സ്വര്‍ണ്ണവും പണവും കവര്‍ന്നു. മയ്യില്‍, കയരളം, ഗോപാലന്‍ പീടിക, കരക്കണ്ടത്തെ ലളിതയുടെ വീട്ടിലാണ് കവര്‍ച്ച. ലളിത തിങ്കളാഴ്ച രാവിലെ തൊഴിലുറപ്പ് ജോലിക്കു പോയതായിരുന്നു. തിരിച്ചെത്തിയപ്പോഴാണ് കവര്‍ച്ച നടന്ന വിവരം അറിഞ്ഞത്. വീടിന്റെ മുന്‍വശത്തെ വാതില്‍ തകര്‍ത്താണ് കവര്‍ച്ചക്കാര്‍ അകത്തു കടന്നത്. അലമാരയിലാണ് സ്വര്‍ണ്ണവും പണവും സൂക്ഷിച്ചിരുന്നത്. ലളിതയുടെ പരാതിയില്‍ മയ്യില്‍ പൊലീസ് കേസെടുത്തു.

പ്രണയം, ബലാത്സംഗം, ഒടുവില്‍ കാലുമാറ്റം; വനിതാ പൊലീസുകാരിയുടെ പരാതിയില്‍ എസ്‌ഐക്കെതിരെ ബലാത്സംഗത്തിനു കേസെടുത്തു

by WEB EDITORState Tuesday, 11 February 2025, 13:04Tuesday, 11 February 2025, 13:04No Comments

കണ്ണൂര്‍: വിവാഹ വാഗ്ദാനം നല്‍കി വനിതാ കോണ്‍സ്റ്റബിളിനെ പീഡിപ്പിച്ചുവെന്ന പരാതിയില്‍ എസ്.ഐയ്‌ക്കെതിരെ കേസെടുത്തു. കണ്ണൂര്‍ വിമാനത്താവളത്തിലെ സിഐഎസ്എഫ് എസ്‌ഐയും ഉത്തര്‍ പ്രദേശ്, ഗസിയാബാദ് സ്വദേശിയുമായ അശ്വിനി മാലിക്കി(30)നെതിരെയാണ് എയര്‍പോര്‍ട്ട് പൊലീസ് കേസെടുത്തത്.വനിതാ കോണ്‍സ്റ്റബിളുമായി അശ്വിനി മാലിക് ഒരു വര്‍ഷമായി പ്രണയത്തിലായിരുന്നുവത്രെ. വിവാഹ വാഗ്ദാനം നല്‍കി 2024 ഡിസംബര്‍ 28ന് കോയമ്പത്തൂരിലേക്ക് കൂട്ടിക്കൊണ്ടു പോയി ലോഡ്ജില്‍ മുറിയെടുത്തു പീഡിപ്പിക്കുകയായിരുന്നുവെന്നു വനിതാ പൊലീസുകാരി നല്‍കിയ പരാതിയില്‍ പറഞ്ഞു. എന്നാല്‍ പിന്നീട് വിവാഹ വാഗ്ദാനത്തില്‍ നിന്നു എസ്.ഐ പിന്മാറി. വ്യത്യസ്ത ജാതിയില്‍ …

ഉപ്പളയിലെ മൊബൈല്‍ ഷോപ്പുടമ കുഴഞ്ഞു വീണു മരിച്ചു

by WEB EDITORLocal News Tuesday, 11 February 2025, 11:39No Comments

കാസര്‍കോട്: ഉപ്പളയിലെ മൊബൈല്‍ ഫോണ്‍ ഷോപ്പുടമ അശ്വിന്‍ ഭണ്ഡാരി (48) കുഴഞ്ഞു വീണു മരിച്ചു. മീഞ്ച, ബജ്ജ, കൊടിച്ചാലിലെ രാജരാമ ഭണ്ഡാരി-വിജയ ദമ്പതികളുടെ മകനാണ്. ഭാര്യ: മനീഷ. മക്കള്‍: അന്‍വിത, അര്‍ജുന. ഉഷ ഷെട്ടി ഏക സഹോദരിയാണ്.തിങ്കളാഴ്ച രാവിലെ കടയിലേക്ക് പോകാനുള്ള തയ്യാറെടുപ്പിനിടയില്‍ കുഴഞ്ഞു വീണാണ് മരണം. മൃതദേഹം വന്‍ ജനാവലിയുടെ സാന്നിധ്യത്തില്‍ സംസ്‌കരിച്ചു.

മുനിയൂര്‍ ഐങ്കൂറന്‍ നാരായണി അമ്മ അന്തരിച്ചു

by WEB EDITORLocal News Tuesday, 11 February 2025, 10:57Tuesday, 11 February 2025, 10:57No Comments

കാസര്‍കോട്: ബദിയടുക്ക,മുനിയൂര്‍ കളത്തിലെ ഐങ്കൂറന്‍ നാരായണിയമ്മ (84) അന്തരിച്ചു.ഭര്‍ത്താവ്: പരേതനായ ചേക്കരംകോടി കേളുനായര്‍.മക്കള്‍: എ പീതാംമ്പരന്‍ (കളത്തില്‍), എ ചന്ദ്രശേഖരന്‍ (ജീപ്പ് ഡ്രൈവര്‍ ബദിയടുക്ക), എ നിര്‍മ്മല കുമാരി (കൃഷി അസിസ്റ്റന്റ് മധൂര്‍). മരുമക്കള്‍: സി ലക്ഷ്മി (പാടി), ടി ശാന്തി (കുളിയം കല്ല്), കെ ഗംഗാധരന്‍ നായര്‍ (ആധാരം എഴുത്ത് ഉദുമ). സഹോദരങ്ങള്‍: എ മോഹനന്‍ (കാനത്തൂര്‍), എ രോഹിണി (ബോവിക്കാനം), പരേതരായ എ. കമലാക്ഷി, എ അമ്മാള്ളു കുട്ടി (കാനത്തൂര്‍).

ഉളിയത്തടുക്ക സ്വദേശി കാപ്പ കേസില്‍ അറസ്റ്റില്‍

by WEB EDITORLocal News Tuesday, 11 February 2025, 10:47Tuesday, 11 February 2025, 10:47No Comments

കാസര്‍കോട്: നിരവധി കേസുകളില്‍ പ്രതിയായ യുവാവിനെ കാപ്പ ചുമത്തി അറസ്റ്റു ചെയ്തു. ഉളിയത്തടുക്ക, എസ്.പി നഗറിലെ ബിസ്മില്ലാ മന്‍സിലില്‍ എം.എച്ച് മൊയ്തീന്‍ എന്ന ചറുമുറി മൊയ്തീ(28)നെയാണ് വിദ്യാനഗര്‍ പൊലീസ് ഇന്‍സ്‌പെക്ടര്‍ യു.പി വിപിനും സംഘവും അറസ്റ്റു ചെയ്തത്. കഞ്ചാവ്, അടി, തട്ടിക്കൊണ്ടു പോകല്‍ തുടങ്ങി എട്ടോളും കേസുകളില്‍ പ്രതിയായ മൊയ്തീന്‍ ഇതു രണ്ടാം തവണയാണ് കാപ്പ പ്രകാരം അറസ്റ്റിലാകുന്നതെന്നു പൊലീസ് പറഞ്ഞു. എസ്‌ഐ അജീഷ്, സിപിഒ നിജിന്‍, രതീന്‍, പി.എസ് വിദ്യ എന്നിവരും പൊലീസ് സംഘത്തിലുണ്ടായിരുന്നു.

മാതാവിനു ഫോണ്‍ ചെയ്യാന്‍ അയല്‍വീട്ടിലേക്കു പോയ പതിനാറുകാരിക്കു നേരെ ലൈംഗികാതിക്രമത്തിനു ശ്രമം; 60 കാരനെതിരെ പോക്‌സോ കേസ്

by WEB EDITORLocal News Tuesday, 11 February 2025, 10:18Tuesday, 11 February 2025, 10:18No Comments

കാസര്‍കോട്: തൊഴിലുറപ്പ് ജോലിക്കു പോയ മാതാവിനെ ഫോണ്‍ ചെയ്യാന്‍ അയല്‍വീട്ടിലേക്കു പോയ പതിനാറുകാരിയെ പീഡിപ്പിക്കാന്‍ ശ്രമിച്ചതായി പരാതി. പെണ്‍കുട്ടിയുടെ പരാതി പ്രകാരം 60 വയസ്സുകാരനെതിരെ ബദിയഡുക്ക പൊലീസ് പോക്‌സോ പ്രകാരം കേസെടുത്തു. കഴിഞ്ഞ ദിവസം വൈകുന്നേരം ബദിയഡുക്ക പൊലീസ് സ്റ്റേഷന്‍ പരിധിയിലാണ് സംഭവം. പ്ലസ് വണ്‍ വിദ്യാര്‍ത്ഥിനിയാണ് പെണ്‍കുട്ടി. വൈകിട്ട് സ്‌കൂളില്‍ നിന്നു എത്തിയപ്പോള്‍ വീട്ടില്‍ ആരും ഉണ്ടായിരുന്നില്ല. തുടര്‍ന്ന് അമ്മയ്ക്കു ഫോണ്‍ ചെയ്യാനായി പോയപ്പോഴായിരുന്നു പീഡനശ്രമം ഉണ്ടായതെന്നാണ് പരാതി.

മുസ്തഫ മിത്തടി അന്തരിച്ചു

by WEB EDITORLocal News Tuesday, 11 February 2025, 10:06Tuesday, 11 February 2025, 10:06No Comments

കാസര്‍കോട്: മൊഗ്രാല്‍പുത്തൂര്‍, കമ്പാറിലെ മുസ്തഫ മിത്തടി (77) അന്തരിച്ചു. ഭാര്യ: ആയിഷ. മക്കള്‍: മുഹമ്മദലി, സാബിത്ത് (വസ്ത്രവ്യാപാരി, കാസര്‍കോട്), ലത്തീഫ്, മഹ്‌റൂഫ്, സഫൂറ, മിര്‍ഷാന. മരുമക്കള്‍: ബഷീര്‍, ഇസ്മായില്‍, ജാബിര്‍, ഫര്‍സാന, മറിയ.

എന്റോസള്‍ഫാന്‍: പഡ്രെയിലെ ലിംഗപ്പ ഗൗഡയും ദുരിതക്കിടക്കയില്‍ നിന്നു യാത്രയായി

by WEB EDITORLocal News Tuesday, 11 February 2025, 9:45Tuesday, 11 February 2025, 9:46No Comments

കാസര്‍കോട്: എന്റോസള്‍ഫാന്‍ ബാധയെ തുടര്‍ന്നു ജന്മനാ കിടപ്പിലായിരുന്ന എന്‍മകജെ, പഡ്രെ, മലത്തടുക്കയിലെ ലിംഗപ്പ ഗൗഡ (58) വിടവാങ്ങി. ഐത്തപ്പ ഗൗഡ-കമല ദമ്പതികളുടെ മകനാണ്. എന്റോസള്‍ഫാന്‍ ദുരിതബാധിതരുടെ പട്ടികയില്‍ ലിംഗപ്പ ഗൗഡയുടെ പേരുണ്ടായിരുന്നു. ജന്മനാ കിടപ്പിലായിരുന്ന ലിംഗപ്പ ഗൗഡയ്ക്ക് 58 വയസ്സുവരെ ഒരിക്കല്‍ പോലും ഇരിക്കാനോ നടക്കാനോ കഴിഞ്ഞിരുന്നില്ലെന്നു ബന്ധുക്കള്‍ പറഞ്ഞു. സഹോദരങ്ങള്‍: വസന്ത, പ്രദീപ, ലളിത, പുഷ്പ, ദേവകി, ലീലാവതി.

വീണ്ടും കാട്ടാന ആക്രമണം; വയനാട്ടില്‍ ഒരു യുവാവിനു കൂടി ദാരുണാന്ത്യം; ഭാര്യയെ കാണാനില്ല

by WEB EDITORState Tuesday, 11 February 2025, 9:17Tuesday, 11 February 2025, 9:17No Comments

കല്‍പ്പറ്റ: വയനാട്ടില്‍ വീണ്ടും കാട്ടാന ആക്രമണം. യുവാവ് ദാരുണമായി കൊല്ലപ്പെട്ടു. സുല്‍ത്താന്‍ ബത്തേരി, നൂല്‍പ്പുഴയിലെ മനു (45)ആണ് മരിച്ചത്. തിങ്കളാഴ്ച വൈകുന്നേരമാണ് സംഭവം. കടയില്‍ പോയി മടങ്ങുകയായിരുന്നു മനു. ഇതിനിടയില്‍ പാഞ്ഞടുത്ത കാട്ടാന ആക്രമിക്കുകയായിരുന്നുവെന്നു കരുതുന്നു. ഇന്നു രാവിലെയാണ് മൃതദേഹം കാണപ്പെട്ടത്. വിവരമറിഞ്ഞ് വനംവകുപ്പ് ഉദ്യോഗസ്ഥരും സ്ഥലത്തെത്തിയിട്ടുണ്ട്. നാട്ടുകാരും പ്രതിഷേധവുമായി രംഗത്തുണ്ട്. മൃതദേഹം സ്ഥലത്തു നിന്നു മാറ്റാന്‍ കഴിയില്ലെന്ന നിലപാടിലാണ് നാട്ടുകാര്‍.അതേ സമയം കൊല്ലപ്പെട്ട മനുവിന്റെ ഭാര്യയെ കാണാതായി. ഇതേ കുറിച്ചു അന്വേഷിച്ചു വരുന്നതായി പൊലീസ് പറഞ്ഞു.

സമസ്ത നൂറാം വാര്‍ഷിക സമ്മേളനം കാസര്‍കോട്ട്

by WEB EDITORState Monday, 10 February 2025, 14:54No Comments

കോഴിക്കോട്: സമസ്ത കേരള ജംഇയ്യത്തൂല്‍ ഉലമയുടെ നൂറാം വാര്‍ഷിക സമ്മേളനം കാസര്‍കോട്ട് നടത്താന്‍ തീരുമാനിച്ചു. കഴിഞ്ഞ ദിവസം കോഴിക്കോട്ട് നടന്ന സമസ്ത കേന്ദ്ര മുശാവറ യോഗത്തിന്റേതാണ് തീരുമാനം. രണ്ടു പതിറ്റാണ്ടുകള്‍ക്കു ശേഷമാണ് സമസ്ത സമ്മേളനത്തിനു കാസര്‍കോട് വേദിയൊരുങ്ങുന്നത്. കഴിഞ്ഞ ലോക്‌സഭാ തെരഞ്ഞെടുപ്പിനു പിന്നാലെ സമസ്തയില്‍ ഉയര്‍ന്ന വിവാദങ്ങള്‍ തുടരുന്നതിനിടയിലാണ് സമസ്തയുടെ നൂറാം വാര്‍ഷിക സമ്മേളനം എത്തുന്നത്.