-പി പി ചെറിയാന് ഫ്ലാഗ്ലര് കൗണ്ടി(ഫ്ലോറിഡ)-ഫ്ലാഗ്ലര് കൗണ്ടിയില് വിമാനം തകര്ന്നു പൈലറ്റ് മരിച്ചു. ഫ്ലാഗ്ലര് കൗണ്ടിയിലെ ഒരു ഗ്രാമപ്രദേശത്ത് രാത്രിയില് ഒരു വിമാനം തകര്ന്നതിനെത്തുടര്ന്ന് ശനിയാഴ്ച പൈലറ്റിന്റെ മൃതദേഹം കണ്ടെത്തുകയായിരുന്നു. വിമാനത്താവളവുമായുള്ള ബന്ധം നഷ്ടപ്പെട്ടതിനെത്തുടര്ന്ന് വോളൂസിയ കൗണ്ടി ലൈനിന് സമീപം വിമാനാവശിഷ്ടം കണ്ടെത്തുകയായിരുന്നു. പൈലറ്റിനെ ഇതുവരെ തിരിച്ചറിഞ്ഞിട്ടില്ല.
കാസര്കോട്: തളങ്കര, തെരുവത്ത് സ്വദേശിയും ചൗക്കിയില് താമസക്കാരനുമായ ടി.എ അബ്ദുല് ഖാദര് എന്ന ഉമ്പു (69) അന്തരിച്ചു. നേരത്തെ മുംബൈയിലായിരുന്നു. പരേതരായ അബ്ദുല് റഹ്മാന്-ഖദീജ ദമ്പതികളുടെ മകനാണ്. ഭാര്യ: ജമീല. മക്കള്: ഫര്സാന, മൊഹസബി, റിസ്വാന. മരുമക്കള്: ഉസ്മാന് (പച്ചക്കാട്), സാഹസദ് (ചെങ്കള), ഹിസാം പട്ടേല്റോഡ്. സഹോദരി അസ്മ.
കാസര്കോട്: തെയ്യം കലാകാരനെ തറവാട് വീടിന്റെ പടിയില് തലകുത്തി വീണു മരിച്ച നിലയില് കണ്ടെത്തി. ബദിയഡുക്ക പൊലീസ് സ്റ്റേഷന് പരിധിയിലെ ബേള, ഉള്ളോടിയിലെ പരേതനായ മാണിച്ചന്റെ മകന് എം.കെ കൃഷ്ണ (57)യാണ് മരിച്ചത്. തറവാട് വീട്ടില് ഇദ്ദേഹം തനിച്ചാണ് താമസം. ഞായറാഴ്ച മകന് തറവാട് വീട്ടില് എത്തിയപ്പോഴാണ് കൃഷ്ണനെ പടിയില് തലയിടിച്ച് വീണ് മരിച്ച നിലയില് കണ്ടെത്തിയത്. ചോര വാര്ന്നാണ് മരണം സംഭവിച്ചതെന്നു സംശയിക്കുന്നു. ബദിയഡുക്ക പൊലീസെത്തി ഇന്ക്വസ്റ്റ് നടത്തിയ ശേഷം മൃതദേഹം പോസ്റ്റുമോര്ട്ടത്തിനായി ജനറല് ആശുപത്രിയിലേക്ക് …
Read more “ബേളയില് തെയ്യം കലാകാരന് തറവാട് വീടിന്റെ പടിയില് തലകുത്തി വീണു മരിച്ച നിലയില്”
കാസര്കോട്: ഒരാഴ്ച മുമ്പ് മഞ്ചേശ്വരം, പാവൂരിലെ സ്നേഹാലയത്തില് എത്തിയ അന്തേവാസിയെ കാണാതായി. ഉള്ളാള്, അലേക്കളയിലെ ഇസ്മയില്-മറിയം ഫാത്തിമ ദമ്പതികളുടെ മകന് ഉമ്മര് ഫാറൂഖി (23)നെയാണ് കാണാതായത്. ഫെബ്രുവരി 15ന് ഉച്ചയ്ക്കാണ് മകനെ കാണാതായതെന്നു മാതാവ് മറിയഫാത്തിമ മഞ്ചേശ്വരം പൊലീസില് നല്കിയ പരാതിയില് പറയുന്നു. ഒരാഴ്ച മുമ്പ് ഒരു ഡോക്ടറുടെ നിര്ദ്ദേശപ്രകാരമാണ് ഫാറൂഖിനെ സ്നേഹാലയത്തില് എത്തിച്ചത്. മഞ്ചേശ്വരം പൊലീസ് കേസെടുത്ത് അന്വേഷണം തുടങ്ങി.
കാസര്കോട്: കൊടക്കാട്ട് സിപിഎം നേതാവിനെ വീട്ടില് തൂങ്ങി മരിച്ച നിലയില് കണ്ടെത്തി. വെള്ളച്ചാല് സെന്ട്രല് ബ്രാഞ്ച് സെക്രട്ടറി പുന്നക്കോടന് ചന്ദ്രന്(55) ആണ് മരിച്ചത്. തിങ്കളാഴ്ച രാവിലെ ഏണിപ്പടിയില് തൂങ്ങിയ നിലയിലാണ് മൃതദേഹം കാണപ്പെട്ടത്. വിവരമറിഞ്ഞ് ചീമേനി പൊലീസെത്തി ഇന്ക്വസ്റ്റ് നടത്തിയ ശേഷം മൃതദേഹം പരിയാരം മെഡിക്കല് കോളേജ് ആശുപത്രിയിലേക്ക് മാറ്റി. നേരത്തെ ഗള്ഫിലായിരുന്ന പുന്നക്കോടന് ചന്ദ്രന് വെള്ളച്ചാല് ടൗണില് കട നടത്തി വരികയായിരുന്നു. സാമ്പത്തിക പ്രയാസമാണ് ആത്മഹത്യയുടെ കാരണമെന്ന് സംശയിക്കുന്നു. കേരള പ്രവാസി സംഘം തൃക്കരിപ്പൂര് ഏരിയ …
Read more “കൊടക്കാട്ട് സിപിഎം നേതാവ് ഏണിപ്പടിയില് തൂങ്ങി മരിച്ച നിലയില്”
കാസര്കോട്: പൊതുപ്രവര്ത്തകനായിരുന്ന അണിഞ്ഞ, കായലിങ്കാലിലെ പി. മാധവന് (70) അന്തരിച്ചു. ഭാര്യ: നാരായണി. മക്കള്: മനൂപ്, സനൂപ് (ഇരുവരും മര്ച്ചന്റ് നേവി), അനൂപ് (ഗള്ഫ്). മരുമക്കള്: റോഷ്നി (കൊച്ചി), വിനയ (പറയമ്പള്ളം), പ്രിയ (മടിക്കേരി). സഹോദരങ്ങള്: മാധവി, പരേതയായ നാരായണി.
ചെന്നൈ: മുട്ട ഓംലറ്റ് നല്കിയില്ലെന്നു ആരോപിച്ചു വെജിറ്റേറിയന് ഹോട്ടലുടമയുടെ മൂക്കരിഞ്ഞു. മൂന്നു പേര് അറസ്റ്റില്. കഴിഞ്ഞ ദിവസം ചെന്നൈയ്ക്കു സമീപത്തെ അമ്പത്തൂരില് സസ്യാഹാരം മാത്രം ലഭിക്കുന്ന ഹോട്ടലിലാണ് സംഭവം. മദ്യലഹരിയില് എത്തിയ മണികണ്ഠന്, ശശികുമാര്, മുത്തു എന്നിവരാണ് അക്രമം നടത്തിയത്. ഇവരെ അറസ്റ്റു ചെയ്തതായി പൊലീസ് പറഞ്ഞു. ആദ്യം ഓര്ഡര് ചെയ്ത ഭക്ഷണം കഴിച്ച ശേഷമാണ് കൂട്ടത്തില് നിന്നൊരാള് മുട്ട ഓംലറ്റ് ആവശ്യപ്പെട്ടത്. വെജിറ്റേറിയന് ഹോട്ടല് ആണെന്നു പറഞ്ഞപ്പോള് വെയിറ്ററിനോട് തട്ടിക്കയറിയ മണികണ്ഠന് എന്നയാള് ക്യാഷ് കൗണ്ടറിലെത്തി …
കാസര്കോട്: ഉപ്പള, മീന് മാര്ക്കറ്റിനു സമീപത്തെ കെട്ടിടത്തിലെ വാച്ചുമാനെ കുത്തിക്കൊലപ്പെടുത്തിയ കേസിലെ പ്രതിയെ അഞ്ചുദിവസത്തേക്ക് പൊലീസ് കസ്റ്റഡിയില് വിട്ടു. ഉപ്പള, പത്വാടി സ്വദേശിയായ സവാദി(24)നെയാണ് കാസര്കോട് ഫസ്റ്റ് ക്ലാസ് മജിസ്ട്രേറ്റ് കോടതി മഞ്ചേശ്വരം പൊലീസ് ഇന്സ്പെക്ടര് ഇ. അനൂബ് കുമാറിന്റെ കസ്റ്റഡിയില് വിട്ടത്. കൊല്ലം ഏഴുകോണ് സ്വദേശിയും 15 വര്ഷമായി പയ്യന്നൂരില് താമസക്കാരനുമായ സുരേഷ് (45) ഫെബ്രുവരി 11ന് രാത്രിയിലാണ് കുത്തേറ്റു മരിച്ചത്. ഇരുവരും ഒന്നിച്ചിരുന്നു മദ്യപിക്കുന്നതിനിടയില് ഉണ്ടായ വാക്കേറ്റമാണ് കൊലപാതകത്തിനു ഇടയാക്കിയതെന്നാണ് അറസ്റ്റിലായ സമയത്ത് സവാദ് …
കാസര്കോട്: പഴയകാല വ്യാപാരിയും മുസ്ലിം ലീഗ് പ്രവര്ത്തകനുമായിരുന്ന ശ്രീബാഗിലുവിലെ ചേനക്കുണ്ട് ഹൗസില് മുഹമ്മദ് ചേനക്കുണ്ട്(77) അന്തരിച്ചു. ഭാര്യ: ആയിഷ. മക്കള്: സിഎം ബഷീര് (സീതാംഗോളി), സി.എം മൊയ്തീന് കുഞ്ഞി (വ്യാപാരി), സിഎം ഉമ്മര്, മൈമൂന, സുഹ്റ, സെമീറ. മരുമക്കള്: ഖാദര് (ചേനക്കുണ്ട്), സുബൈര് (ചൂരി), ഫൈസല് (ആലംപാടി), കുഞ്ഞിബി (മുളിയടുക്കം), റസീന (ആലംപാടി), ഷംന (മേല്പ്പറമ്പ്). സഹോദരങ്ങള്: പരേതരായ അബ്ദുല്ല (മയ്യളം), ഇബ്രാഹിം, ബദറുദ്ദീന് (പുളിക്കൂര്), അബ്ബാസ്. ഖബറടക്കം പുളിക്കൂര് ഖിള്ര് ജമാഅത്ത് അങ്കണത്തില് നടന്നു.
കോഴിക്കോട്: പ്രണയം നടിച്ചു വിവാഹവാഗ്ദാനം നല്കി കണ്ണൂര് സ്വദേശിനിയായ യുവതിയെ ബലാത്സംഗം ചെയ്തുവെന്ന പരാതിയില് യുവാവ് അറസ്റ്റില്. കൊയിലാണ്ടി, ഉള്ളിയേരിയിലെ ആക്കുപൊയില് വീട്ടില് വിക്കി എന്ന വിഷ്ണു പ്രസാദിനെ(28)യാണ് പന്തീരങ്കാവ് പൊലീസ് അറസ്റ്റു ചെയ്തത്. കോഴിക്കോട്, പാലാഴിയിലെ ഫ്ളാറ്റില് വച്ച് ബലാത്സംഗം ചെയ്തുവെന്നാണ് യുവതിയുടെ പരാതി. പ്രണയം നടിച്ചു വിവാഹ വാഗ്ദാനം നല്കുകയും നഗ്ന വീഡിയോകള് കൈക്കലാക്കുകയും അവ കാണിച്ച് ഭീഷണിപ്പെടുത്തിയുമാണ് നിരവധി തവണ ബലാത്സംഗത്തിനു ഇരയാക്കിയതെന്നു യുവതി നല്കിയ പരാതിയില് പറയുന്നു. നഗ്ന ചിത്രങ്ങളും വീഡിയോകളും …
തിരുവനന്തപുരം: ഇന്നും നാളെയും കേരളത്തില് ഒറ്റപ്പെട്ടയിടങ്ങളില് സാധാരണയെക്കാള് 3 ഡിഗ്രി സെല്ഷ്യസ് വരെ താപനില ഉയരാന് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്. സംസ്ഥാനത്ത് ഉയര്ന്ന ചൂട് റിപ്പോര്ട്ട് ചെയ്യപ്പെടുന്ന സാഹചര്യത്തില് പൊതുജനങ്ങള്ക്കായി സംസ്ഥാന ദുരന്ത നിവാരണ അതോറിറ്റി ജാഗ്രതാ നിര്ദേശങ്ങള് പുറപ്പെടുവിച്ചു.ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. അതുകൊണ്ട് പൊതുജനങ്ങള് നിര്ദേശങ്ങള് പാലിക്കേണ്ടതാണ്.പകല് 11 മണി …
Read more “ഇന്നും നാളെയും കേരളത്തില് ഒറ്റപ്പെട്ടയിടങ്ങളില് 3 ഡിഗ്രി സെല്ഷ്യസ് വരെ താപനില ഉയരും”
കണ്ണൂര്: വിഗ്രഹം, സ്വര്ണ്ണം, പണം, റബ്ബര്ഷീറ്റ് തുടങ്ങി 50ല് അധികം കവര്ച്ചാ കേസുകളില് പ്രതിയായ യുവാവും കൂട്ടാളിയും അറസ്റ്റില്. ഉളിക്കല്, തേര്മല സ്വദേശിയും പയ്യാവൂര്, വാതില്മടയില് താമസക്കാരനുമായ പടുവിലാന് പ്രശാന്ത് (28), എരുവേശി, അരീക്കാമല ബിബിന് കുര്യന് (32) എന്നിവരെയാണ് ഉളിക്കല് എസ്ഐ സുരേഷ് കാഞ്ഞിലേരിയും സംഘവും അറസ്റ്റു ചെയ്തത്. ഫെബ്രുവരി ഏഴിനു നുച്യാട്, കുളങ്ങരക്കണ്ടി മുന്സീറയുടെ വീട്ടുമുറ്റത്തു ഉണങ്ങാനിട്ട 80 റബ്ബര് ഷീറ്റുകള് മോഷ്ടിച്ച കേസിലാണ് അറസ്റ്റ്. സിസിടിവി ക്യാമറകളിലെ ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് …
കണ്ണൂര്: ബാത്ത്റൂമില് വച്ച് കഴുത്തിലെ ഞരമ്പ് മുറിച്ച ശേഷം വയോധികന് കിണറ്റില് ചാടി മരിച്ചു. കണ്ണൂര്, സിറ്റി മരക്കാര്കണ്ടിയിലെ കെ. മൊയ്തീന് (79) ആണ് ജീവനൊടുക്കിയത്. ബുധനാഴ്ച പുലര്ച്ചെ അഞ്ചു മണിയോടെയാണ് സംഭവം. മൊയ്തീന് എഴുന്നേല്ക്കുന്നത് വീട്ടുകാരുടെ ശ്രദ്ധയില്പ്പെട്ടിരുന്നുവെങ്കിലും മൂത്രമൊഴിക്കാന് പോകുന്നുവെന്നാണ് കരുതിയിരുന്നത്. വിവരമറിഞ്ഞ് ഫയര്ഫോഴ്സ് എത്തിയാണ് കിണറ്റില് നിന്ന് മൃതദേഹം പുറത്തെടുത്തത്. ഭാര്യ: പരേതയായ അസ്മ. മക്കള്: അഫ്സല്, അജ്മല്, അഷ്കര്, ജഫ്സീന.
പയ്യന്നൂര്: പെണ്കുട്ടിക്കു നേരെ നഗ്നതാ പ്രദര്ശനം നടത്തിയെന്ന പരാതിയില് 75കാരനെ പോക്സോ പ്രകാരം അറസ്റ്റു ചെയ്തു. പരപ്പ, നെടുവോട്ടെ, പൂമംഗലോരകത്ത് മമ്മുവിനെയാണ് ആലക്കോട് എസ്.ഐ എം.പി ഷാജി അറസ്റ്റു ചെയ്തത്. ഫെബ്രുവരി അഞ്ചിനാണ് കേസിനാസ്പദമായ സംഭവം. സ്കൂള് ബസ് കാത്തു നില്ക്കുകയായിരുന്നു പെണ്കുട്ടി. ഇയാള്ക്കെതിരെ നേരത്തെയും സമാന പരാതികള് ഉണ്ടായിരുന്നതായി പൊലീസ് പറഞ്ഞു.
കാസര്കോട്: സിപിഎം നിയന്ത്രണത്തിലുള്ള കാറഡുക്ക അഗ്രിക്കള്ച്ചറിസ്റ്റ് വെല്ഫയര് സംഘത്തില് നിന്നു 4.76 കോടി രൂപയുടെ തട്ടിപ്പ് നടത്തിയ കേസില് ബിജെപി നേതാവ് ഉള്പ്പെടെ അഞ്ചു പേരെ കൂടി പ്രതിചേര്ത്തു. കാഞ്ഞങ്ങാട് നഗരസഭാ മുന് കൗണ്സിലറും ബിജെപി നേതാവുമായ അജയകുമാര് നെല്ലിക്കാട്ട്, പെരിയയിലെ ഷെഫീഖ്, ഭാര്യ ഫാത്തിമത്ത് താഹിറ, പള്ളിക്കരയിലെ ഫൗസിയ, മകള് ഫായിസ എന്നിവരെയാണ് സംസ്ഥാന ക്രൈംബ്രാഞ്ചിന്റെ സാമ്പത്തിക കുറ്റാന്വേഷണം വിഭാഗ തട്ടിപ്പ് കേസില് പ്രതി ചേര്ത്തത്. ഇതോടെ കേസില് ആകെ പ്രതികളുടെ എണ്ണം 11 ആയി. …
കാസര്കോട്: ബോവിക്കാനം, കൊടവഞ്ചിയിലെ ടാപ്പിംഗ് തൊഴിലാളി രാജേഷി(44)നെ കാണാതായി. കൊല്ലം, പട്ടാഴി, സൂര്യഭവനിലെ രാജന്റെ മകനാണ്. കൊടവഞ്ചിയിലെ ഒരു റബ്ബര് തോട്ടത്തിലെ തൊഴിലാളിയായിരുന്നു. ഫെബ്രുവരി 10 മുതല് ഇയാളെയും സ്കൂട്ടറും കാണുന്നില്ലെന്നു തോട്ടം ഉടമ പൊലീസില് നല്കിയ പരാതിയില് പറഞ്ഞു. ആദൂര് പൊലീസ് കേസെടുത്ത് അന്വേഷണം തുടങ്ങി.
സതീശന്നരിക്കുട്ടി പച്ച എന്റെ മാതാവിന്റെ അടുത്ത സുഹൃത്ത് സുശീലയുടെ മകന്, എന്റെ ഭാര്യയുടെ ക്ലാസ്മേറ്റ് ഇത്രയും സതീശനെക്കുറിച്ചറിയാം. അവന്റെ ഹൈസ്കൂള് പഠനകാലത്ത് കൂക്കാനം വഴി നടന്നു പോകുന്ന സുന്ദരനായ : സതീശനെ കണ്ടതും ഓര്മ്മയുണ്ട്. സതീശ നെക്കുറിച്ച് അവന്റെ ബന്ധുക്കള് വഴി അറിയാറുണ്ട്. അവന്റെ മൂത്തമ്മ കൗസല്യ ടീച്ചര് ഞങ്ങളുടെ അയല്പക്കക്കാരിയാണ്. ടീച്ചറുടെ മക്കളായ പ്രഭാകരന് മാഷ്, എന്റെ ക്ലാസ്മേറ്റ് രവി എന്നിവര് സതീശനെ കുറിച്ച് പറയാറുണ്ട്. വളരെ ചെറുപ്പത്തിലേ എയര് ഫോര് സില് ജോലി കിട്ടിയെന്നും …
കാസര്കോട്: പ്രശസ്തമായ പുലിക്കുന്നു ശ്രീ ഐവര് ഭഗവതി ക്ഷേത്രം കളിയാട്ട മഹോത്സവം 22ന് രാവിലെ ഗണപതിഹോമത്തോടെ ആരംഭിക്കും. 25നു പുലര്ച്ചെ ആയിരത്തിരി മഹോത്സവം നടക്കും. 27നു രാത്രി ഭണ്ഡാരം തിരിച്ചെഴുന്നള്ളിപ്പോടെ ആറു ദിവസം നീണ്ടു നില്ക്കുന്ന കളിയാട്ട മഹോത്സവം സമാപിക്കും.23നു വൈകിട്ടു മുതല് പുല്ലൂര്ണന്, കാളപ്പുലിയന്, പുലികണ്ഠന്, കരിന്തിരി നായര്, പുലിച്ചേകവന്, പുല്ലൂരാളി, വിഷ്ണുമൂര്ത്തി തെയ്യങ്ങളുടെ വെള്ളാട്ടവും തോറ്റവും തിടങ്ങലും കുളിച്ചേറ്റവും ഉണ്ടാവും.നടുക്കളിയാട്ട ദിവസമായ 24നു ഇതേ തെയ്യങ്ങള്ക്കു പുറമെ പുള്ളിക്കരിങ്കാളിയമ്മ, പുല്ലൂരാളി, മന്ത്രമൂര്ത്തി തെയ്യങ്ങളുടെ തോറ്റവും …
Read more “പുലിക്കുന്ന് ശ്രീ ഐവര് ഭഗവതി ക്ഷേത്രം കളിയാട്ട മഹോത്സവം 22 മുതല് 27 വരെ”
You cannot copy content of this page