അവധിക്കാലം ആഘോഷം: ചൂട് മുന്നറിയിപ്പ് അവഗണിച്ച് നാട്ടുച്ചയ്ക്കും നാടെങ്ങും ഫുട്ബോള് മേളകള്
കാസര്കോട്: നാട് കൊടുംചൂടില് ചുട്ടുപൊള്ളുമ്പോഴും മുന്നറിയിപ്പുകള് അവഗണിച്ച് അവധിക്കാലം ആഘോഷമാക്കി നട്ടുച്ചയ്ക്ക് പോലും നാടുനീളെ ഫുട്ബോള് മേളകള് പൊടിപൊടിക്കുന്നു.തദ്ദേശസ്വയംഭരണ സ്ഥാപനങ്ങള്, ദുരന്തനിവാരണ അതോറിറ്റി എന്നിവ പുറം ജോലി സമയം തന്നെ ക്രമീകരിച്ച് ഉത്തരവിറക്കിയിരുന്നു. ഉഷ്ണ തരംഗ സാധ്യതാ മുന്നറിയിപ്പുമുണ്ട്. എന്നിട്ടും നിര്മ്മാണ സ്ഥലങ്ങളില് ഇതൊന്നും കേട്ട ഭാവമില്ല. കൊടുംചൂടിലും ജോലികള് പഴയ പടി തുടരുന്നു. ജില്ലയില് ഇതിനകം തന്നെ മൂന്ന് പേര്ക്ക് സൂര്യാതാപമേറ്റതായി റിപ്പോര്ട്ടുകളുണ്ട്. ചീമേനിയില് കഴിഞ്ഞമാസം 92 വയസ്സുകാരന് മരിച്ചത് സൂര്യാതാപം ഏറ്റാണെന്ന് കണ്ടെത്തിയിരുന്നു.ഉയര്ന്ന ചൂട് …
