-പി പി ചെറിയാന്‍
വാഷിംഗ്ടണ്‍ ഡി സി: സര്‍ജന്‍ ജനറല്‍ സ്ഥാനത്തേക്കുള്ള ഡോ. ജാനറ്റ് നെഷൈവാട്ടിന്റെ നാമനിര്‍ദ്ദേശം പ്രസിഡന്റ് ഡൊണാള്‍ഡ് ട്രംപ് പിന്‍വലിച്ചു. പകരം ഡോ. കേസി മീന്‍സിനെ നിയമിക്കുകയാണെന്ന് വൈറ്റ് ഹൗസ് ബുധനാഴ്ച പ്രഖ്യാപിച്ചു. നെഷൈവാട്ടിന്റെ സെനറ്റ് സ്ഥിരീകരണ വാദം കേള്‍ക്കല്‍ ആരംഭിക്കുന്നതിന് തൊട്ടുമുമ്പാണ് വാര്‍ത്ത വന്നത്. ”കേസിക്ക് ക്രോണിക് ഡിസീസ് എപ്പിഡെമിക്കിനെ മറികടക്കുന്നതിനും ഭാവിയില്‍ എല്ലാ അമേരിക്കക്കാര്‍ക്കും മികച്ച ആരോഗ്യം ഉറപ്പാക്കുന്നതിനും ആരോഗ്യ-മനുഷ്യ സേവന സെക്രട്ടറി റോബര്‍ട്ട് എഫ്. കെന്നഡി ജൂനിയറുമായി അടുത്ത് പ്രവര്‍ത്തിക്കും, ‘അവരുടെ അക്കാദമിക് നേട്ടങ്ങളും, ജീവിതകാലം മുഴുവന്‍ നടത്തിയ ആരോഗ്യ പ്രവര്‍ത്തനങ്ങളും വൈറ്റ് ഹൗസ് എടുത്തുകാട്ടി. ഡോ. കേസി മീന്‍സിനു യുണൈറ്റഡ് സ്റ്റേറ്റ്സ് ചരിത്രത്തിലെ ഏറ്റവും മികച്ച സര്‍ജന്‍ ജനറല്‍മാരില്‍ ഒരാളാകാനുള്ള കഴിവുണ്ട്. കേസിക്ക് അഭിനന്ദനങ്ങള്‍! എച്ച്എച്ച്എസില്‍ മറ്റൊരു സ്ഥാനത്ത് ഡോ. ജാനറ്റ് നെഷൈവാട്ടിനൊപ്പം പ്രവര്‍ത്തിക്കാന്‍ സെക്രട്ടറി കെന്നഡി ആഗ്രഹിക്കുന്നു.’-ട്രംപ് ട്രൂത്ത് സോഷ്യലിലെ ഒരു പോസ്റ്റില്‍ പറഞ്ഞു.