Author: WEB EDITOR

കുമ്പള : പണിമുടക്ക് കുമ്പളയിൽ പൂർണമാണ്. കടകമ്പോളങ്ങൾ അടഞ്ഞു കിടക്കുന്നു. വാഹന ഗതാഗതവും നിശ്ചലമാണ്. ഇരുചക്രവാഹനങ്ങൾ അപൂർവമായി ഓടുന്നു. ഹോട്ടലുകളും കടകളും അടഞ്ഞുകിടക്കുകയാണ്. അതേസമയം മരുന്നു കടകള്‍ തുറന്നു.

കാസർകോട്: വീട്ടിൽ നിന്നു പോയ യുവാവിനെ കാണാതായതായി പരാതി. കാഞ്ഞങ്ങാട് ഗണേഷ് മന്ദിറിലെ കെ.സന്ദീപി (36) നെയാണ് കാണാതായത്. ബുധനാഴ്ച വൈകുന്നേരം 5 മണിക്ക് വീട്ടിൽ നിന്നു പോയ ശേഷം തിരിച്ചെത്തിയില്ലെന്നു സഹോദരി സൗമ്യ പൊലീസിൽ നൽകിയ പരാതിയിൽ പറഞ്ഞു. ഹൊസ്ദുർഗ്ഗ് പൊലീസ് കേസെടുത്ത് അന്വേഷണം തുടങ്ങി.

ചെറുവത്തുർ : പണിമുടക്കിൻ്റെ ഭാഗമായി ചെറുവത്തൂർ ടൗണിൽ പണിമുടക്ക് അനുകൂലികൾ പ്രകടനം നടത്തി. സിപിഎം ജില്ലാ സെക്രട്ടറിയേറ്റ് അംഗം പി.ജനാർദനൻ, മുകേഷ് ബാലകൃഷ്ണൻ, കെ.വി ദാമോദരൻ, നാരായണൻ കൊക്കോട്ട്, പി.വി രാഘവൻ എന്നിവർ പ്രസംഗിച്ചു

കാസർകോട്: പണിമുടക്ക് ജില്ലയിൽ രാവിലെ പൂർണ്ണമാണ്. ഇരുചക്രവാഹനങ്ങളും ചെറുവാഹനങ്ങളും അപൂർവമായി ഓടുന്നുണ്ട് .എന്നാൽ ലോറികളും ബസ്സുകളും ഓടുന്നില്ല. കാസർകോട്, കുമ്പള, കാഞ്ഞങ്ങാട്, നീലേശ്വരം, മേഖലകളിൽ കടകമ്പോളങ്ങൾ പൂർണമായി അടഞ്ഞുകിടക്കുന്നു. മെഡിക്കൽ സ്റ്റോറുകൾ അപൂർവമായി തുറന്നിട്ടുണ്ട്. ഹോട്ടലുകളും അടച്ചിട്ടിരിക്കുകയാണ് . ‘ പണിമുടക്ക് ബന്ദിന്റെ പ്രതീതി ഉണ്ടാക്കിയിട്ടുണ്ട്. സംസ്ഥാനത്തെ എല്ലാ ജില്ലകളിലും സമാന സ്ഥിതിയാണ് ഇപ്പോഴെന്നു വിവിധ ജില്ലകളിൽ നിന്നുള്ള റിപ്പോർട്ടുകൾ പറയുന്നു. ബസുകളുടെ പ്രവർത്തനം നിലച്ചതും ഹോട്ടലുകൾ അടഞ്ഞു കിടക്കുന്നതും അതിഥി തൊഴിലാളികളെ കൂടുതൽ വിഷമിപ്പിക്കുന്നു. വയനാട്ടിൽ …

Read more “കാസർകോട്ട് പണിമുടക്ക് പൂർണ്ണം; സംസ്ഥാനത്തും ജനജീവിതം സ്തംഭിച്ചു; ദേശീയതലത്തിൽ സാധാരണ നില”

കാസർകോട്: നൃത്ത പരിശീലനം കഴിഞ്ഞ് വീട്ടിലേയ്ക്ക് നടന്നു പോവുകയായിരുന്ന പെൺകുട്ടിയോട് മോശമായി പെരുമാറിയതായി പരാതി. ചിറ്റാരിക്കാൽ പൊലീസ് സ്റ്റേഷൻ പരിധിയിലെ 16 കാരിയുടെ പരാതിയിൽ അയൽവാസിയായ ഷാജി (42) ക്കെതിരെയാണ് പോക്സോ പ്രകാരം കേസെടുത്തത് .കഴിഞ്ഞ ദിവസം വൈകിട്ടാണ് കേസിനാസ്പദമായ സംഭവം. പെൺകുട്ടിയെ വഴിയിൽ തടഞ്ഞു നിർത്തിയ ശേഷം ആത്മാഭിമാനം ഹനിക്കുന്ന രീതിയിൽ അശ്ലീല ഭാഷയിൽ സംസാരിക്കുകയായിരുന്നുവെന്നു പറയുന്നു. പെൺകുട്ടി വീട്ടിലെത്തി വിവരം പറഞ്ഞതോടെയാണ് പൊലീസിൽ പരാതി നൽകിയത്. ഷാജിയെ കണ്ടെത്താൻ പൊലീസ് അന്വേഷണം ആരംഭിച്ചു.

തിരുവനന്തപുരം: വരുമാനം കുറവാണെങ്കിലും പൊതുജനങ്ങളുടെയും ജനപ്രതിനിധികളുടെയും ആവശ്യം പരിഗണിച്ച് തളങ്കര സബ് പോസ്റ്റ്‌ ഓഫീസ് നിലവിലുള്ള സ്ഥലത്ത് തന്നെ പ്രവർത്തിക്കുമെന്ന് കേരള ചീഫ് പോസ്റ്റ്‌ മാസ്റ്റർ ജനറലിന്റെ ചുമതല വഹിക്കുന്ന സയീദ് റാഷിദ്,എൻ.എ നെല്ലിക്കുന്ന് എം.എൽ.എയെ രേഖാമൂലം അറിയിച്ചു.പോസ്റ്റ്‌ മാസ്റ്റർ ജനറലിനെ തിരുവനന്തപുരത്ത് നേരിട്ട് കണ്ട് എം.എൽ.എ നിവേദനം നൽകിയിരുന്നു. വിഷയം വിശദമായി പരിശോധിച്ച് ജനങ്ങളുടെ ആവശ്യം പരിഗണിക്കുമെന്ന് അന്ന് എം.എൽ.എക്ക് ഉറപ്പ് ലഭിച്ചിരുന്നു. വരുമാനം കുറഞ്ഞ പോസ്റ്റ്‌ ഓഫീസ് അടച്ചു പൂട്ടാനുള്ള ദേശീയ തലത്തിലുള്ള തീരുമാനത്തിന്റെ …

Read more “തളങ്കര സബ് പോസ്റ്റ്‌ ഓഫീസ് അടച്ചുപൂട്ടില്ല: പൂട്ടാനുള്ള നീക്കം ഉപേക്ഷിച്ചെന്നു പി എം ജി യുടെ ഉറപ്പ്”