മാന്യയില്‍ ബൈക്കും കാറും കൂട്ടിയിടിച്ചു; യുവാവിനു ഗുരുതരം
കാസര്‍കോട്: മാന്യയില്‍ കാറും ബൈക്കും കൂട്ടിയിടിച്ചുണ്ടായ അപകടത്തില്‍ യുവാവിനു ഗുരുതരപരിക്ക്. മാന്യ, കജലയിലെ ഉദയകുമാര്‍ ഭട്ടിന്റെ മകന്‍ ശ്രീരംഗ ശര്‍മ്മ (26)യ്ക്കാണ് പരിക്കേറ്റത്. മംഗളൂരുവിലെ ആശുപത്രിയില്‍ കഴിയുന്ന ശ്രീരംഗയെ അടിയന്തര ശസ്ത്രക്രിയക്ക് വിധേയനാക്കി. എം.ബി.എ ബിരുദധാരിയാണ് ഇദ്ദേഹം. വെള്ളിയാഴ്ച വൈകുന്നേരം വീട്ടില്‍ നിന്നും ബൈക്കില്‍ മാന്യയിലേക്ക് പോകുന്നതിനിടയിലാണ് അപകടം. ഗുരുതരമായി പരിക്കേറ്റ ശ്രീരംഗയെ കാസര്‍കോട്ടെ ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയ ശേഷമാണ് മംഗ്‌ളൂരുവിലേക്ക് മാറ്റിയത്.
