Author: WEB EDITOR

കാസര്‍കോട്: 3428 പാക്കറ്റ് നിരോധിത പുകയില ഉല്‍പ്പന്നങ്ങളുമായി യുവാവ് അറസ്റ്റില്‍. ഷേണി അരിയപ്പാടിയിലെ ഇളിഞ്ചംഹൗസിലെ എം.എച്ച് അബ്ദുല്‍ ജാബിറി(28) നെയാണ് ബദിയടുക്ക എസ്.ഐ കെ.ആര്‍ ഉമേശനും സംഘവും അറസ്റ്റു ചെയ്തത്. ചൊവ്വാഴ്ച വൈകുന്നേരം മുണ്ട്യത്തടുക്ക, പള്ളത്തിനു സമീപത്തു പട്രോളിംഗ് നടത്തുകയായിരുന്നു പൊലീസ്. ഈ സമയത്ത് ഒരു ചാക്കുകെട്ടുമായി നില്‍ക്കുകയായിരുന്നു അബ്ദുല്‍ ജാബിറെന്നു പൊലീസ് പറഞ്ഞു. പരുങ്ങുന്നതു കണ്ട് സംശയം തോന്നി ചാക്കു തുറന്നു നോക്കിയപ്പോഴാണ് പുകയില ഉല്‍പ്പന്നങ്ങള്‍ കണ്ടെത്തിയതെന്നു പൊലീസ് പറഞ്ഞു.

കാസര്‍കോട്: വെള്ളം ചോദിച്ചെത്തിയ യുവതിയെ മാനഭംഗപ്പെടുത്താന്‍ ശ്രമിച്ചതായി പരാതി. യുവതിയുടെ പരാതി പ്രകാരം കേസെടുത്ത ആദൂര്‍ പൊലീസ് പ്രതിയായ കൊന്നക്കാട്ടെ അജിത്തി(22)നെ അറസ്റ്റു ചെയ്തു. പ്രതിയെ കോടതി രണ്ടാഴ്ചത്തേക്കു റിമാന്റു ചെയ്തു. ചൊവ്വാഴ്ച രാവിലെ 10.30 മണിയോടെയാണ് കേസിനാസ്പദമായ സംഭവം. വീട്ടുമുറ്റത്തിനു സമീപത്തു തുണി അലക്കിക്കൊണ്ടിരിക്കുകയായിരുന്നു യുവതി. ഈ സമയത്ത് വെള്ളം ചോദിച്ചെത്തിയ അജിത്ത് യുവതിയെ മാനഭംഗപ്പെടുത്താന്‍ ശ്രമിച്ചുവെന്നാണ് കേസ്. യുവതി ബഹളം വച്ചപ്പോള്‍ പ്രതി ഓടി രക്ഷപ്പെട്ടു. തുടര്‍ന്നാണ് പൊലീസില്‍ പരാതി നല്‍കിയത്.