കായംകുളം കൃഷ്ണപുരത്ത് വീട്ടിനുള്ളില്‍ മൃതദേഹം കത്തിക്കരിഞ്ഞ നിലയില്‍
ആലപ്പുഴ: കായംകുളം കൃഷ്ണപുരത്തു കത്തിക്കരിഞ്ഞ നിലയില്‍ വീട്ടിനുള്ളില്‍ മൃതദേഹം കാണപ്പെട്ടു.കൃഷ്ണപുരം പാലസ് വാര്‍ഡിലെ കിഴക്കേ വീട്ടില്‍ സരളയുടെ വീട്ടിലാണ് കത്തിക്കരിഞ്ഞ നിലയില്‍ മൃതദേഹം കണ്ടെത്തിയത്.സരളയുടെ സഹോദരന്റെ ഭാര്യ സിന്ധുവായിരിക്കും മരിച്ചതെന്നു സംശയിക്കുന്നു. ആളെ തിരിച്ചറിഞ്ഞിട്ടില്ല. ക്ഷേത്ര ജീവനക്കാരിയായ സരള ഈ വീട്ടില്‍ തന്നെയാണ് താമസിക്കുന്നത്. ക്ഷേത്രത്തില്‍ നിന്നു വീട്ടില്‍ തിരിച്ചെത്തിയപ്പോള്‍ ഗ്യാസ് സിലിണ്ടര്‍ കത്തുന്നതു കണ്ടുവെന്നും വിവരം ഫയര്‍ഫോഴ്‌സിനെ അറിയിച്ചെന്നും അവര്‍ പറയുന്നു. തീകെടുത്തിയ ശേഷം നടത്തിയ പരിശോധനയിലാണ് ജഡം കണ്ടെത്തിയത്.
