Author: WEB EDITOR

തൃശൂർ: പുതുക്കാട് ബേക്കറിയിൽ നിന്നു വാങ്ങിയ പരിപ്പുവടയിൽ തേരട്ട. ആരോഗ്യവകുപ്പും പഞ്ചായത്ത് അധികൃതരും ചേർന്ന് ബേക്കറി അടപ്പിച്ചു. പുതുക്കാട് സിഗ്നൽ ജംക്ഷന് സമീപം പ്രവർത്തിക്കുന്ന ഈറ്റ്സ് ആന്റ് ട്രീറ്റ്സ് എന്ന ബേക്കറിയിൽ നിന്നു വാങ്ങിയ പരിപ്പുവടയിൽ നിന്നാണ് ചത്ത തേരട്ടയെ ലഭിച്ചത്. കേരളബാങ്കിലെ ജീവനക്കാർ വാങ്ങിയ പലഹാരങ്ങളുടെ കൂട്ടത്തിലുണ്ടായിരുന്ന ഒരു പരിപ്പുവടയിലാണ് തേരട്ട ഉണ്ടായിരുന്നത്. പാതി കഴിച്ച ശേഷമാണ് ഇതു ശ്രദ്ധയിൽപെട്ടത്. ഉടൻ ബാങ്ക് ജീവനക്കാർ ആരോഗ്യ വിഭാഗത്തെ വിവരം അറിയിച്ചു. തുടർന്ന് പുതുക്കാട് ഹെൽത്ത് ഇൻസ്പെക്ടർ …

Read more “പരിപ്പുവടയിൽ തേരട്ട: പ്രവർത്തിക്കുന്നത് ലൈസൻസില്ലാതെ, ബേക്കറി പൂട്ടി അധികൃതർ”

ആലപ്പുഴ: താമരക്കുളത്ത് കാട്ടുപ്പന്നിക്കുള്ള കെണിയിൽ നിന്നു ഷോക്കേറ്റ് കർഷകൻ മരിച്ച സംഭവത്തിൽ കെണി വച്ച കർഷകനെ പൊലീസ് കസ്റ്റഡിയിലെടുത്തു. മരക്കുളം കിഴക്കേമുറി പ്രസന്ന ഭവനത്തിൽ ശിവൻകുട്ടി കെ. പിള്ള (65) ആണ് മരിച്ചത്. വൈദ്യുത വേലി സ്ഥാപിച്ച കിഴക്കേമുറി ചരുവിളയിൽ ജോൺസണെ(61) നൂറനാട് പൊലീസ് കസ്റ്റഡിയിലെടുത്തു.ഇന്ന് രാവിലെ 7.30ഓടെ കൊടുവര വയലിലാണ് അപകടം. സ്വന്തം കൃഷിസ്ഥലത്തേക്ക് പോകുന്നതിനിടെ ജോൺസന്റെ കൃഷിസ്ഥലത്ത് മരിച്ചീനി സംരക്ഷിക്കാൻ സ്ഥാപിച്ച പന്നിക്കെണിയിൽ നിന്ന് ശിവൻകുട്ടിക്കു ഷോക്കേൽക്കുകയായിരുന്നു. ശിവൻകുട്ടി ബോധരഹിതനായി കിടക്കുന്നതു ശ്രദ്ധയിൽപെട്ട അയൽവാസിയായ …

Read more “പന്നിക്കെണിയിൽ നിന്ന് ഷോക്കേറ്റ് കർഷകൻ മരിച്ച സംഭവം; കെണിവച്ച കർഷകൻ കസ്റ്റഡിയിൽ”

തിരുവനന്തപുരം: സമൂഹ മാധ്യമത്തിലൂടെ കെഎസ്ആർടിസിയെ അപമാനിച്ച ഡ്രൈവറെ സർവീസിൽ നിന്നു പിരിച്ചുവിട്ടു. യൂട്യൂബ് ചാനലിലൂടെ കെഎസ്ആർടിസിയെ അപകീർത്തിപ്പെടുത്തിയ വി. ഹരിദാസിനു എതിരെയാണ് നടപടി. കാസർകോട് ഡിപ്പോയിലെ ഡ്രൈവറായ ഹരിദാസ് ഗുരുതര അച്ചടക്കലംഘനം നടത്തിയതായി കെഎസ്ആർടിസി നടത്തിയ പ്രാഥമിക അന്വേഷണത്തിൽ കണ്ടെത്തുകയായിരുന്നു. സ്വഭാവ ദൂഷ്യമുള്ളയാളാണ് ഹരിദാസെന്ന് പിരിച്ചു വിടുന്ന ഉത്തരവിൽ പറയുന്നു. കഴിഞ്ഞ സെപ്റ്റംബറിൽ അച്ചടക്ക നടപടിയുടെ ഭാഗമായി ഇയാളെ പിറവത്തേക്ക് സ്ഥലം മാറ്റിയിരുന്നു. ഇതിനു പിന്നാലെയാണ് യൂട്യൂബ് ചാനലിലൂടെ അപകീർത്തികരമായ വിഡിയോ പ്രചരിച്ചത്. ഇതിനെതിരെ കോന്നി സ്വദേശി …

Read more “യൂട്യൂബ് ചാനലിലൂടെ കെഎസ്ആർടിസിക്കെതിരെ അപവാദ പ്രചരണം: കാസർകോട് ഡിപ്പോയിലെ ഡ്രൈവറെ പിരിച്ചുവിട്ടു”

പാലക്കാട്: കുടുംബ വഴക്കിനെ തുടർന്ന് ഭാര്യയെ എയർഗൺ കൊണ്ട് വെടിവച്ചു പരുക്കേൽപ്പിച്ച ഭർത്താവ് അറസ്റ്റിൽ. മംഗലംഡാം പൂതംകോട് കുന്നത്ത് വീട്ടിൽ ശിവൻ(58) ആണ് ഭാര്യ മേരിയെ(52) വെടിവച്ചത്. ഞായറാഴ്ച ഉച്ചയോടെയാണ് സംഭവം. ഇരുവരും തമ്മിലുള്ള വഴക്കിനിടെ മദ്യലഹരിയിലായിരുന്ന ശിവൻ എയർഗൺ കൊണ്ട് വെടിയുതിർക്കുകയായിരുന്നു. കാൽമുട്ടിനു പരുക്കേറ്റ മേരി തൃശൂർ മെഡിക്കൽ കോളജ് ആശുപത്രിയിൽ ചികിത്സ തേടി. കോടതിയിൽ ഹാജരാക്കിയ ശിവനെ റിമാൻഡ് ചെയ്തു.

മലപ്പുറം: നിലമ്പൂർ ഉപതിരഞ്ഞെടുപ്പ് പ്രചാരണത്തിലെ അവസാന ഞായറാഴ്ച പ്രമുഖരെ കളത്തിലിറക്കി പ്രചാരണം കൊഴുപ്പിച്ച് സ്ഥാനാർഥികൾ. യുഡിഎഫ് സ്ഥാനാർഥി ആര്യാടൻ ഷൗക്കത്തിനായി എഐസിസി ജനറൽ സെക്രട്ടറിയും വയനാട് എംപിയുമായ പ്രിയങ്ക ഗാന്ധി റോഡ് ഷോ നടത്തി. ആര്യാടൻ ഷൗക്കത്ത് കഴിവുതെളിയിച്ച വ്യക്തിയാണെന്നും ഷൗക്കത്തിനെ വിജയിപ്പിച്ചാൽ എംപി എന്ന നിലയിലുള്ള തന്റെ പ്രവർത്തനം സുഗമമാക്കുമെന്നും പ്രിയങ്ക വോട്ടർമാരോട് പറഞ്ഞു. ജനങ്ങളുടെ ആവശ്യങ്ങൾ മനസ്സിലാക്കി പ്രവർത്തിക്കുന്ന സർക്കാർ വരണമെന്നും അതിനുള്ള അവസരമാണ് ഈ തിരഞ്ഞെടുപ്പെന്നും അവർ പറഞ്ഞു.മുഖ്യമന്ത്രി പിണറായി വിജയൻ പോത്തുങ്കൽ, …

Read more “മഴയിലും കൊട്ടിക്കയറി നിലമ്പൂരിലെ പ്രചാരണച്ചൂട്; പ്രിയങ്ക ഗാന്ധിയും പിണറായി വിജയനും യൂസഫ് പത്താനും സ്ഥാനാർഥികൾക്കായി കളത്തിലിറങ്ങി”

കൊച്ചി: എറണാകുളം ചെല്ലാനത്ത് ഓടിക്കൊണ്ടിരുന്ന സ്വകാര്യ ബസിൽ നിന്നു പുറത്തേക്കു ചാടിയ 16 വയസ്സുകാരൻ മരിച്ചു. ചെല്ലാനം സ്വദേശി പവൻ സുമോദാണ് മരിച്ചത്. ശനിയാഴ്ച രാവിലെയാണ് അപകടമുണ്ടായത്. കുട്ടി ബസിൽ നിന്നു തെറിച്ചു വീണെന്നാണ് കരുതിയിരുന്നത്. എന്നാൽ ബസിൽ നിന്ന് ചാടുകയായിരുന്നുവെന്ന് അപകടത്തിന്റെ സിസിടിവി ദൃശ്യങ്ങൾ വ്യക്തമാക്കുന്നു. ബസിന്റെ തുറന്നു കിടന്ന റോഡിലൂടെ പുറത്തേക്ക് ചാടിയ കുട്ടി തലയുടെ പിൻഭാഗം ഇടിച്ചു വീഴുകയായിരുന്നു. ഓട്ടോമേറ്റഡ് ഡോർ അടയ്ക്കാതെ ബസ് ഓടിച്ചതിനു ഡ്രൈവർക്കെതിരെ കേസെടുത്തു. കുട്ടി എന്തിനാണ് ചാടിയതെന്ന …

Read more “ഓടിക്കൊണ്ടിരുന്ന ബസിൽ നിന്നു പുറത്തേക്കു ചാടി; 16 വയസ്സുകാരന് ദാരുണാന്ത്യം”

കൊല്ലം:പ്രതിയുമായി പോയ പൊലീസ് ജീപ്പ് മറിഞ്ഞ് 2 പൊലീസുകാർക്ക് പരിക്കേറ്റു. പത്തനാപുരം കടയ്കൽ പാലത്തിനു സമീപമാണ് പത്തനാപുരം പൊലീസ് സ്റ്റേഷന്റെ ജീപ്പ് മറിഞ്ഞത്. കനത്തമഴയിൽ നിയന്ത്രണം തെറ്റിയാണ് അപകടമെന്നു പറയുന്നു. നാട്ടുകാരും പൊലീസുകാരും ചേർന്ന് പരിക്കേറ്റ പൊലീസുകാരെ ആശുപത്രിയിൽ പ്രവേശിപ്പിച്ചു.

തിരുവനന്തപുരം: പാറശാലയിൽ ദത്തെടുത്ത 5 വയസ്സുകാരിയെ ലൈംഗികമായി പീഡിപ്പിച്ച പിതാവ് അറസ്റ്റിൽ. ശിശുക്ഷേമ സമിതിയിൽ നിന്ന് ദത്തെടുത്ത കുഞ്ഞിനെയാണ് 52 വയസ്സുകാരനായ വളർത്തച്ഛൻ ലൈംഗികമായി ചൂഷണം ചെയ്തത്. കുട്ടി അമ്മയോട് പീഡന വിവരം വെളിപ്പെടുത്തിയതോടെ വൈദ്യ പരിശോധന നടത്തി. ഡോക്ടർ പീഡനം സ്ഥിരീകരിച്ചതോടെയാണ് അറസ്റ്റ്. കുട്ടിയുടെ മൊഴി പൊലീസ് രേഖപ്പെടുത്തി. പ്രതിയെ നെയ്യാറ്റിൻകര കോടതിയിൽ ഹാജരാക്കി.

തൃശൂർ: ചാലക്കുടി താലൂക്ക് ആശുപത്രിയിൽ ശസ്ത്രക്രിയയ്ക്കായി അനസ്തേഷ്യ നൽകിയ രോഗി ഹൃദയാഘാതത്തെ തുടർന്ന് മരിച്ചു. കോടശ്ശേരി വൈലത്ര വാവൽത്താൻ വീട്ടിൽ സിനീഷ് (34) ആണ് മരിച്ചത്. ഹെർണിയ ശസ്ത്രക്രിയയ്ക്കു മുന്നോടിയായി വെള്ളിയാഴ്ച രാവിലെയാണ് സിനീഷിന് അനസ്തേഷ്യ നൽകിയത്. തുടർന്ന് അനസ്തേഷ്യയിലെ അലർജിയുള്ള സിനീഷിന് ഓപ്പറേഷൻ തിയേറ്ററിൽ കയറ്റിയതിനു പിന്നാലെ ഹൃദയാഘാതം ഉണ്ടായി. ഇതോടെ വിദഗ്ധ ചികിത്സയ്ക്കായി സ്വകാര്യ ആശുപത്രിയിലെ അത്യാഹിത വിഭാഗത്തിലേക്ക് മാറ്റിയെങ്കിലും ജീവൻ രക്ഷിക്കാനായില്ല. സംഭവത്തിൽ നിയമനടപടിയുമായി മുന്നോട്ടു പോകുമെന്ന് സിനീഷിന്റെ കുടുംബം അറിയിച്ചു.

കോഴിക്കോട്: കൺസെഷൻ ടിക്കറ്റിൽ യാത്ര ചെയ്യുന്നതുമായി ബന്ധപ്പെട്ട തർക്കത്തിൽ ഒമ്പതം ക്ലാസ് വിദ്യാർഥിനിക്കു സ്വകാര്യ ബസ് ജീവനക്കാരന്റെ ക്രൂര മർദനം. കോഴിക്കോട് കൂടത്താഴി സെന്റ് മേരീസ് ഹയർ സെക്കണ്ടറി സ്കൂളിലെ വിദ്യാർഥിക്കാണ് മർദനമേറ്റത്.ബസിൽ കയറിയ കുട്ടിയെ കണ്ടക്ടർ ഇറക്കിവിട്ടതോടെയാണ് പ്രശ്നങ്ങളുടെ തുടക്കം. ബസിൽ നിന്നിറങ്ങിയ കുട്ടിയോടു സമീപത്തുണ്ടായിരുന്ന ടാക്സി ഡ്രൈവർ ബസിൽ തിരിച്ചു കയറാൻ ആവശ്യപ്പെട്ടു. എസ്ടി കാർഡ് കൈയ്യിലുണ്ടല്ലോയെന്നും കൺസെഷൻ അവകാശമാണെന്നും ടാക്സി ഡ്രൈവർ പറഞ്ഞു. ഇതു കേട്ട് ബസിൽ തിരിച്ചു കയറിയ കുട്ടിയെ കണ്ടക്ടർ …

Read more “കൺസെഷൻ യാത്രയുമായി ബന്ധപ്പെട്ട തർക്കം കയ്യാങ്കളിയായി: ഒമ്പതാം ക്ലാസ് വിദ്യാർഥിക്ക് സ്വകാര്യ ബസ് ജീവനക്കാരന്റെ ക്രൂര മർദനം”

പത്തനംതിട്ട: കഠിനാധ്വാനത്തിലൂടെ നേടിയെടുത്ത നേട്ടങ്ങൾ കൈപ്പാടകലെ നിൽക്കുമ്പോഴാണ് പത്തനംതിട്ട തിരുവല്ല പുല്ലാട് സ്വദേശി രഞ്ജിത ഗോപകുമാരൻ നായർ അഹമ്മദാബാദിലെ വിമാനാപകടത്തിൽ മരിച്ചത്.ഗൾഫ് രാജ്യങ്ങളിൽ നഴ്സായി ജോലി ചെയ്തിരുന്ന രജിത ഒരു വർഷം മുൻപാണ് ലണ്ടനിലേക്കു ജോലിക്കായി പോയത്. രോഗബാധിതയായ അമ്മയുടെ ചികിത്സയും സ്വന്തമായി വീടെന്ന സ്വപ്നവും ഉൾപ്പെടെ സാക്ഷാത്കരിക്കാനായിരുന്നു ഇത്. വീടിന്റെ നിർമാണം അവസാന ഘട്ടത്തിൽ എത്തിച്ചിരുന്നു. ഇതിനിടെ സർക്കാർ ജോലിയും രജിതയ്ക്കു ലഭിച്ചു. ഇതിന്റെ നടപടി ക്രമങ്ങൾ പൂർത്തിയാക്കാനാണ് 3 ദിവസത്തെ അവധിക്കായി നാട്ടിലെത്തിയത്. ലണ്ടനിൽ …

Read more “സർക്കാർ ജോലിയും സ്വന്തം വീടും: കഠിനാധ്വാനത്തിലൂടെ നേടിയെടുത്ത സ്വപ്നങ്ങൾ ബാക്കിയാക്കി രജിതയുടെ മടക്കം”