ടാങ്കര് ലോറിയില് നിന്ന് എണ്ണ ചോര്ന്ന് റോഡില് തളം കെട്ടി; ദേശീയപാതയില് ഗതാഗതം അഞ്ചുമണിക്കൂറോളം തടസപ്പെട്ടു, സംഭവം കാസര്കോട് പുതിയ ബസ് സ്റ്റാന്ഡിന് സമീപം
കാസര്കോട്: ടാങ്കര് ലോറിയില് നിന്ന് ഭക്ഷ്യ എണ്ണ ചോര്ന്ന് റോഡില് തളം കെട്ടി. സംഭവത്തെ തുടര്ന്ന് കാസര്കോട് നഗരത്തിലെ ദേശീയ പാതയില് അഞ്ചുമണിക്കൂറോളം ഗതാഗതം തടസപ്പെട്ടു. ബുധനാഴ്ച രാത്രി പത്തരയോടെയാണ് സംഭവം. മംഗളൂരുവില് നിന്ന് വരികയായിരുന്ന ടാങ്കര് ലോറിയില് നിന്നാണ് എണ്ണ ചോര്ന്നത്. ഇതേ തുടര്ന്ന് 75 മീറ്ററോളം ദൂരത്തില് റോഡില് എണ്ണ തളം കെട്ടിക്കിടന്നു. സംഭവത്തെ തുടര്ന്ന് പൊലീസ് കണ്ട്രോള് റൂമില് നിന്ന് ഫയര്ഫോഴ്സിനെ വിവരമറിയിച്ചു. മണിക്കൂറോളം റോഡില് വെള്ളം ചീറ്റി കഴുകിയിട്ടും പൂര്ണതോതില് എണ്ണ …
