ബന്തടുക്ക മാണിമൂല, ശ്രീമല മേഖലകളില് കാട്ടാനകളിറങ്ങി; കൃഷി നശിപ്പിച്ചു; കര്ഷകര് ദുരിതത്തില്
കാസര്കോട്: മാസങ്ങളുടെ ഇടവേളകള്ക്ക് ശേഷം ബന്തടുക്ക മാണിമൂല, ശ്രീമല മേഖലകളില് കാട്ടാനകളിറങ്ങി. ജനവാസ മേഖലയിലിറങ്ങിയ കാട്ടാനക്കൂട്ടം വ്യാപകമായി കാര്ഷിക വിളകള് നശിപ്പിച്ചു. ചൊവ്വാഴ്ച രാത്രിയും ബുധനാഴ്ച പുലര്ച്ചെയുമാണ് ശ്രീമലയില് രണ്ടുകാട്ടാനകള് എത്തിയത്. കര്ഷകനായ ജോസ് വര്ക്കി ശ്രീമലയുടെ തോട്ടത്തിലാണ് നാശം വിതച്ചത്. കൃഷിയിടത്തിലെ കമുകും ഫലവൃക്ഷങ്ങളും മറ്റും കാട്ടാനകള് കുത്തിമറിച്ചും തിന്നു നശിപ്പിച്ചും ഭീതി സൃഷ്ടിക്കുകയാണ്. ദിവസങ്ങളിലായി പ്രദേശത്ത് തമ്പടിച്ച ആനകള് കര്ഷകരുടെ പ്രധാന വരുമാന മാര്ഗ്ഗങ്ങളായ തെങ്ങ്, കവുങ്ങ്, വാഴ, കപ്പ തുടങ്ങിയ നിരവധി വിളകളാണ് …
