കൊച്ചി: ഓടിക്കൊണ്ടിരുന്ന ട്രെയിനില് ചാടിക്കയറാന് ശ്രമിക്കുന്നതിനിടെ ട്രെയിനിനടിയില്പെട്ട് 35കാരിക്ക് ദാരുണാന്ത്യം. കൊല്ലം സ്വദേശിനി ചിപ്പിയാണ് മരിച്ചത്. എറണാകുളം സൗത്ത് റെയില്വേ സ്റ്റേഷനില് ഇന്ന് പുലര്ച്ചെയാണ് അപകടം. വഞ്ചിനാട് എക്സ്പ്രസില് കയറാന് ശ്രമിക്കുമ്പോഴായിരുന്നു അപകടം.
ഓടിത്തുടങ്ങിയ ട്രെയിനില് കയറാന് ശ്രമിക്കുമ്പോള് കാല്വഴുതി ട്രെയിനിനടിയിലേക്ക് വീഴുകയായിരുന്നുവെന്ന് കാണികള് പറയുന്നു. യുവതി സംഭവ സ്ഥലത്തു മരിച്ചു. മൃതദേഹം ജനറല് ആശുപത്രി മോര്ച്ചറിയിലേക്ക് മാറ്റി. അപകടത്തെ തുടര്ന്ന് ട്രെയിന് ഒരു മണിക്കൂര് വൈകിയാണ് പുറപ്പെട്ടത്.
