Day: February 18, 2026

തിരുവനന്തപുരം: നെടുമങ്ങാട് ജില്ലാ ആശുപത്രിയില്‍ പ്രസവ ശസ്ത്രക്രിയയ്ക്കിടെ നവജാത ശിശു മരിച്ച സംഭവത്തില്‍ ഡോ. ബിന്ദു സുന്ദറിന് സസ്‌പെന്‍ഷന്‍. ഡോക്ടര്‍ക്കെതിരെ കുഞ്ഞിന്റെ അച്ഛന്‍ കൈക്കൂലി ആരോപണം ഉന്നയിച്ചതിന് പിന്നാലെയാണ് നടപടി. ഡോക്ടര്‍ക്ക് അവരുടെ മുറിയില്‍ ചെന്ന് 5000 രൂപ നല്‍കിയതായും അവര്‍ പണം ആവശ്യപ്പെട്ടതിനെ തുടര്‍ന്നാണ് പണം നല്‍കിയതെന്നും പിതാവ് മാധ്യമങ്ങളോട് പറഞ്ഞിരുന്നു. പിന്നാലെയാണ് ഡോക്ടറെ സസ്‌പെന്‍ഡ് ചെയ്തത്. നെടുമങ്ങാട് ജില്ലാ ആശുപത്രിയിലെ ഗൈനക്കോളജി വിഭാഗം കണ്‍സള്‍ട്ടന്റ് ആയിരുന്ന ഡോ. ബിന്ദു സുന്ദറിനെ കൊല്ലം പുനലൂര്‍ താലൂക്ക് …

Read more “നവജാത ശിശുവിന്റെ മരണം; ഡോക്ടര്‍ ബിന്ദു സുന്ദറിന് സസ്‌പെന്‍ഷന്‍”

പത്തനംതിട്ട: ശബരിമല തീര്‍ത്ഥാടകരെ രാത്രി വനമേഖലയില്‍ ഇറക്കിവിട്ടെന്ന് പരാതി. പമ്പ – തിരുവനന്തപുരം കെ.എസ്.ആര്‍.ടി.സി ബസ് ഡ്രൈവര്‍ക്കെതിരെയാണ് തീര്‍ത്ഥാടകര്‍ പരാതിയുമായി രംഗത്തെത്തിയത്. പമ്പയില്‍ നിന്നു നിലയ്ക്കല്‍ സ്റ്റാന്‍ഡിലേക്ക് ടിക്കറ്റ് എടുത്തവരെയാണ് വഴിയില്‍ ഇറക്കിവിട്ടത്. നിലയ്ക്കല്‍ സ്റ്റാന്‍ഡിലായിരുന്നു തീര്‍ത്ഥാടകര്‍ക്ക് ഇറങ്ങേണ്ടിയിരുന്നത്. എന്നാല്‍, സ്റ്റാന്‍ഡില്‍ കയറാതെ ഒരു കിലോമീറ്റര്‍ അപ്പുറം വനമേഖലയില്‍ ഇറക്കിവിട്ടെന്നാണ് ഇവരുടെ പരാതി. വയോധികരും കുഞ്ഞുങ്ങളുമടങ്ങുന്ന സംഘത്തെയാണ് വഴിയില്‍ ഇറക്കി വിട്ടത്. സംഭവത്തില്‍ ഗതാഗത മന്ത്രിക്ക് പരാതി നല്‍കുമെന്ന് തീര്‍ത്ഥാടകര്‍ പറഞ്ഞു.