കാസർകോട്: മഞ്ചേശ്വരം ഹൊസങ്കടി ടൗണിൽ പട്ടാപ്പകൽ സ്‌കൂട്ടർ മോഷണം പോയി. കൊടലമുഗറു, ആനക്കല്ല് ഹൗസിലെ മുഹമ്മദി(57)ന്റെ ഉടമസ്ഥതയിലുള്ള സ്‌കൂട്ടറാണ് മോഷണം പോയത്. ജൂൺ ഒന്നിനു ഉച്ച കഴിഞ്ഞ് 2.30നാണ് സംഭവം. കർണ്ണാടക രജിസ്‌ട്രേഷനിലുള്ള സ്‌കൂട്ടർ ഹൊസങ്കടിയിലെ സംഘം ഹോട്ടലിനു മുന്നിൽ നിർത്തിയിട്ട് ഭക്ഷണം കഴിക്കാൻ പോയതായിരുന്നു മുഹമ്മദ്. 15 മിനിറ്റിനകം തിരിച്ചെത്തിയപ്പോഴാണ് സ്‌കൂട്ടർ മോഷണം പോയ കാര്യം അറിഞ്ഞതെന്നു മുഹമ്മദ് മഞ്ചേശ്വരം പൊലീസിൽ നൽകിയ പരാതിയിൽ പറഞ്ഞു. പൊലീസ് കേസെടുത്ത് അന്വേഷണം തുടങ്ങി.