Day: June 2, 2025

കാസര്‍കോട്: ശ്വാസം മുട്ടലിനെ തുടര്‍ന്ന് ആശുപത്രിയില്‍ അഡ്മിറ്റായ മാതാവിനു കൂട്ടിരിക്കാന്‍ എത്തിയ മകള്‍ ശ്വാസ തടസ്സത്തെ തുടര്‍ന്ന് മരിച്ചു. ചെറുവത്തൂര്‍, ബസ് സ്റ്റാന്റിനു സമീപത്തു മില്‍മ ഷോപ്പ് നടത്തുന്ന ഞാണങ്കൈയിലെ ശശികുമാറിന്റെ മകള്‍ എസ് അനിത (48)യാണ് മരിച്ചത്.തിങ്കളാഴ്ച പുലര്‍ച്ചെ രണ്ടു മണിയോടെ മാവുങ്കാലിലെ സ്വകാര്യ ആശുപത്രിയിലാണ് സംഭവം. ശ്വാസതടസ്സത്തെ തുടര്‍ന്ന് മാതാവ് കല്യാണി ആശുപത്രിയില്‍ ചികിത്സയിലാണ്. അമ്മയെ പരിചരിക്കാന്‍ കൂടെ നിന്നിരുന്ന അനിതക്ക് ചുമ അനുഭവപ്പെടുകയായിരുന്നു. ഇതിനിടയില്‍ പുറം വേദന അനുഭവപ്പെടുകയും ശ്വാസം കിട്ടാതെ മരണപ്പെടുകയുമായിരുന്നുവെന്നു …

Read more “മാതാവിനു കൂട്ടിരിക്കാന്‍ ആശുപത്രിയില്‍ എത്തിയ മകള്‍ ശ്വാസതടസ്സം മൂലം മരിച്ചു”

കാസര്‍കോട്: കാണാതായ വീട്ടമ്മയെ കുളത്തില്‍ മരിച്ച നിലയില്‍ കണ്ടെത്തി. പൈവളിഗെ, കായര്‍ക്കട്ട, മൂടംബിക്കാനയിലെ പരേതനായ സത്യനാരായണ ഭട്ടിന്റെ ഭാര്യ ശങ്കരി അമ്മ(78)യുടെ മൃതദേഹമാണ് കവുങ്ങിന്‍ തോട്ടത്തിലെ കുളത്തില്‍ കാണപ്പെട്ടത്.ശങ്കരി അമ്മയെ മെയ് 31 പുലര്‍ച്ചെ 5.30 മണി മുതല്‍ കാണാനില്ലെന്നു കാണിച്ച് സഹോദരന്‍ ശ്രീനിവാസ റാവു മഞ്ചശ്വരം പൊലീസില്‍ പരാതി നല്‍കിയിരുന്നു. പൊലീസ് കേസെടുത്ത് അന്വേഷണം നടത്തുന്നതിനിടയില്‍ ബന്ധുക്കളും നാട്ടുകാരും തെരച്ചിലിലാണ് മൃതദേഹം കുളത്തില്‍ കാണപ്പെട്ടത്. മറ്റു സഹോദരങ്ങള്‍: പ്രഭാകര റാവു, ജയന്തി.