കൊച്ചി: വളപ്പ് ബീച്ചില്‍ നീന്താനിറങ്ങിയ യെമന്‍ പൗരന്മാരെ കടലില്‍ കാണാതായി. കോയമ്പത്തൂര്‍ രത്തിനം കോളജിലെ അബ്ദുല്‍ സലാം(21), ജബ്രാന്‍ ഖലീല്‍ (22) എന്നിവരെയാണ് കാണാതായത്.
ഒന്‍പതുപേരാണ് നീന്താനിറങ്ങിയത്. ഉച്ചയ്ക്ക് 12 മണിയോടെയാണ് സംഭവം. കോസ്റ്റല്‍ പൊലീസ്, ഞാറയ്ക്കല്‍ പൊലീസ്, വൈപ്പിന്‍ ഫയര്‍ ഫോഴ്‌സ് തുടങ്ങിയവര്‍ കടലില്‍ തിരച്ചില്‍ നടത്തുകയാണ്. കടലില്‍ ഇറങ്ങരുതെന്ന് തങ്ങള്‍ ആവര്‍ത്തിച്ചു പറഞ്ഞതാണെന്ന് നാട്ടുകാര്‍ പറയുന്നു.
ഏറെ അപകടം പിടിച്ച ഈ ബീച്ചില്‍ കുളിക്കാനിറങ്ങി മുമ്പും ആളുകള്‍ അപകടത്തില്‍പ്പെട്ടിട്ടുണ്ട്.
ഈ കടല്‍ത്തീരത്ത് ലൈഫ് ഗാര്‍ഡുകളോ മറ്റ് സുരക്ഷാ സംവിധാനങ്ങളോ ഇല്ലെന്ന് നാട്ടുകാര്‍ പറയുന്നു.