കാസര്‍കോട്: യുവാവിനെ വീടിന്റെ അടുക്കളയില്‍ തൂങ്ങി മരിച്ച നിലയില്‍ കണ്ടെത്തി. കരിന്തളം, പെരിയങ്ങാനം, കുറിഞ്ചേരിയിലെ മൈലക്കല്‍ ബേബിയുടെ മകന്‍ ജോസഫ് (31) ആണ് മരണപ്പെട്ടത്. തിങ്കളാഴ്ച രാവിലെയാണ് തൂങ്ങിയ നിലയില്‍ മൃതദേഹം അടുക്കളയില്‍ കാണപ്പെട്ടത്. നീലേശ്വരം പൊലീസ് എത്തി ഇന്‍ക്വസ്റ്റ് നടത്തിയ ശേഷം മൃതദേഹം പോസ്റ്റുമോര്‍ട്ടത്തിനായി മോര്‍ച്ചറിയിലേക്ക് മാറ്റി. എറണാകുളത്ത് ജോലി ചെയ്തു വരികയായിരുന്ന ജോസഫ് ആറു മാസം മുമ്പാണ് നാട്ടില്‍ തിരിച്ചെത്തിയത്. അതിനു ശേഷം ജോലിക്കു പോയിരുന്നില്ല. ആത്മഹത്യയുടെ കാരണം എന്താണെന്നു വ്യക്തമല്ല.