Day: May 8, 2025

തിരുവനന്തപുരം: 42 വയസ്സുകാരിക്കു നിപ സ്ഥിരീകരിച്ച പശ്ചാത്തലത്തിൽ മലപ്പുറം ജില്ലയിൽ മാസ്ക് നിർബന്ധമാക്കി. രോഗിയെ പരിചരിച്ചവർ ഉൾപ്പെടെ ഹൈ റിസ്ക് കാറ്റഗറിയിലുള്ള 7 പേരുടെ സാമ്പിൾ പരിശോധിച്ചതു നെഗറ്റീവാണെന്നും ആരോഗ്യമന്ത്രി വീണാ ജോർജ് അറിയിച്ചു. രോഗം സ്ഥിരീകരിച്ച വളാഞ്ചേരി സ്വദേശിനി പെരിന്തൽമണ്ണയിലെ ആശുപത്രിയിൽ ചികിത്സയിലാണ്. വെന്റിലേറ്ററിലാണ് ഇവരുള്ളത്. ഇവർ എവിടെയൊക്കെ പോയെന്ന് പരിശോധിക്കുന്നുണ്ട്. പ്രദേശത്ത് അസ്വാഭാവിക മരണങ്ങളൊന്നും ഉണ്ടായിട്ടില്ല. വളാഞ്ചേരി നഗരസഭ രണ്ടാം വാർഡിൽ 3 കിലോമീറ്റർ ചുറ്റളവിൽ കണ്ടെയ്ൻമെന്റ് സോണായി പ്രഖ്യാപിക്കുമെന്നും മന്ത്രി പറഞ്ഞു.

തിരുവനന്തപുരം: തിരുവനന്തപുരം-മംഗളൂരു, മംഗളൂരു-തിരുവനന്തപുരം വന്ദേഭാരത് എക്സ്പ്രസുകളിൽ കോച്ചുകളുടെ എണ്ണം വർധിപ്പിച്ചു. യാത്രക്കാരുടെ സൗകര്യം പരിഗണിച്ചാണ് കോച്ചുകളുടെ എണ്ണം വർധിപ്പിക്കുന്നതെന്ന് അധികൃതർ അറിയിച്ചു. കോച്ചുകളുടെ വർധനവു 22 നു നിലവിൽ വരും. 20631 മംഗളൂരു സെൻട്രൽ – തിരുവനന്തപുരം സെൻട്രൽ, 20632 തിരുവനന്തപുരം സെൻട്രൽ -മംഗളുരു സെൻട്രൽ വന്ദേ ഭാരത് എക്സ്പ്രസുകളിൽ ഓരോ എക്സിക്യൂട്ടീവ് ക്ലാസ് കോച്ചുകളും ഏഴു ചെയർ കാർ കോച്ചുകളുമാണ് വർധിപ്പിക്കുന്നത്. അതോടെ ഇരുട്രയിനുകളിലും 14 ചെയർകാർ കോച്ചുകൾ വീതവും രണ്ടു വീതം എക്സിക്യൂട്ടീവ് ക്ലാസ് …

Read more “തിരുവനന്തപുരം – മംഗളൂരു , മംഗളൂരു-തിരുവനന്തപുരം വന്ദേ ഭാരത് എക്‌സ്പ്രസുകളിൽ കോച്ചുകളുടെ എണ്ണംവർധിപ്പിച്ചു; വർധിപ്പിച്ച കോച്ചുകൾ 22 മുതൽ”

കൊല്ലം: കൊല്ലത്തെ പഞ്ചനക്ഷത്ര ഹോട്ടലിൽ മദ്യപിച്ചു പ്രശ്നമുണ്ടാക്കിയെന്ന പരാതിയിൽ നടൻ വിനായകനെ പൊലീസ് കസ്റ്റഡിയിലെടുത്തു. മദ്യപിച്ചു ബഹളമുണ്ടാക്കിയ നടൻ വിദേശ വനിതയോടു മോശമായി പെരുമാറിയെന്നും റിപ്പോർട്ടുണ്ട്.സിനിമ ഷൂട്ടിങ്ങുമായി ബന്ധപ്പെട്ടാണ് വിനായകൻ ഹോട്ടലിലെത്തിയത്. നടൻ ജയസൂര്യ ഉൾപ്പെടെയുള്ളവരും അവിടെയുണ്ടായിരുന്നു. എന്നാൽ ഷൂട്ടിങ് അവസാനിച്ചതോടെ മറ്റു അഭിനേതാക്കൾ റൂം ഒഴിഞ്ഞു കൊടുത്തെങ്കിലും വിനായകൻ അതിനു തയാറായില്ല. ഇതോടെ ഹോട്ടൽ ജീവനക്കാരുമായി തർക്കമായി. ഇതോടെ നടനെ പൊലീസെത്തി കസ്റ്റഡിയിലെടുത്ത് വൈദ്യപരിശോധനയ്ക്കു വിധേയനാക്കി. പിന്നീട് അഞ്ചാലുംമൂട് പൊലീസ് സ്റ്റേഷനിലെത്തിച്ച വിനായകൻ ഉദ്യോഗസ്ഥരോടു കയർക്കുകയും …

Read more “നടൻ വിനായകൻ മദ്യപിച്ചു ഹോട്ടലിൽ ബഹളമുണ്ടാക്കിയതായി പരാതി: പൊലീസ് കസ്റ്റഡിയിൽ”

തിരുവനന്തപുരം: ആരോഗ്യമന്ത്രി വീണ ജോർജ്ജിന് യു.എസ്. സന്ദർശനത്തിനുള്ള അനുമതി കേന്ദ്ര സർക്കാർ നിഷേധിച്ചു. യുഎസിലെ പ്രശസ്തമായ ജോൺസ് ഹോപ്കിൻസ് സർവകലാശാലയിൽ പ്രഭാഷണം നടത്തുന്നതിനാണ് മന്ത്രി കേന്ദ്രാനുമതി തേടിയിരുന്നത്. മന്ത്രിയുടെ യാത്രയ്ക്കുള്ള രാഷ്ട്രീയാനുമതി കേന്ദ്രം നിഷേധിക്കുകയായിരുന്നു.സർവകലാശാല ക്ഷണിച്ചതിനനുസരിച്ചാണ് മന്ത്രിമൂന്നാഴ്ച മുൻപ് കേന്ദ്രസർക്കാരിനോടു അനുമതി തേടിയത്. എന്നാൽ അനുമതി നിഷേധിക്കുന്ന അറിയിപ്പ് ലഭിച്ചതായി മന്ത്രിയുടെ ഓഫിസ് അറിയിച്ചു.1876ൽ സ്ഥാപിതമായ ജോൺസ് ഹോപ്കിൻസ് ലോകത്തിലെ ഏറ്റവും പ്രശസ്തമായ സ്വകാര്യ ആരോഗ്യ സർവകലാശാലയാണ്. ഒപ്പം യുഎസിലെ ആദ്യത്തെ ഗവേഷണ സർവകലാശാലയുമാണ്.

പത്തനംതിട്ട: പേവിഷബാധയേറ്റ് 13 വയസ്സുകാരി മരിച്ച സംഭവത്തില്‍ നായയെ വളര്‍ത്തിയ വീട്ടുകാര്‍ക്കെതിരെ പൊലീസ് കേസെടുത്തു. പത്തനംതിട്ട പുല്ലാട് സ്വദേശിനി ഭാഗ്യലക്ഷ്മി (13) ഏപ്രില്‍ 9ന് പേവിഷബാധയേറ്റ് മരിച്ചിരുന്നു. ഭാഗ്യലക്ഷ്മിയുടെ അമ്മ നല്‍കിയ പരാതിയിലാണ് കേസ്.നായയ്ക്ക് വാക്‌സിനേഷന്‍ എടുത്തിരുന്നില്ലെന്നും അലക്ഷ്യമായി തുറന്നു വിട്ടതിനാലാണ് കുട്ടിയെ ആക്രമിച്ചതെന്നും പരാതിയില്‍ പറയുന്നു.ഡിസംബര്‍ 13നാണ് ഭാഗ്യലക്ഷ്മിയെ നായ കടിച്ചത്. ജില്ലാ ആശുപത്രിയില്‍ നിന്നു വാക്‌സീനെടുത്തിരുന്നു. എന്നാല്‍ ഏപ്രില്‍ 3ന് ആരോഗ്യപ്രശ്‌നങ്ങളുണ്ടായി. തുടര്‍ന്ന് പേവിഷബാധ സ്ഥിരീകരിച്ചു. ഏപ്രില്‍ 9ന് കൊച്ചിയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് …

Read more “പേവിഷബാധയേറ്റ് 13വയസ്സുകാരി മരിച്ച സംഭവം: നായയെ വളര്‍ത്തിയ വീട്ടുകാര്‍ക്കെതിരെ കേസ്”