കാസര്‍കോട്: കാലിക്കടവ് കരക്കക്കാവ് ഭഗവതി ക്ഷേത്രത്തില്‍ കവര്‍ച്ച. ക്ഷേത്രത്തിലെ മൂന്ന് ഭണ്ഡാരങ്ങള്‍ തകര്‍ത്ത് പണം കവര്‍ന്നു. ശനിയാഴ്ച പുലര്‍ച്ചേയാണ് മോഷണം നടന്നതെന്ന് കരുതുന്നു. പുലര്‍ച്ചേ എത്തിയ അടിച്ചുതെളിക്കാരിയാണ് കവര്‍ച്ച നടന്നതായി ശ്രദ്ധയില്‍ പെട്ടത്. തുടര്‍ന്ന് ക്ഷേത്ര ഭാരവാഹികളെ വിവരമറിയിക്കുകയായിരുന്നു. ശ്രീകോവിലിന്റെ വാതില്‍ കുത്തി തകര്‍ത്ത് അകത്തുകയറാന്‍ ശ്രമം നടത്തിയെങ്കിലും വിജയിച്ചില്ല. മോഷ്ടാവിന്റെ ദൃശ്യം ക്ഷേത്രത്തിലെ സിസിടിവി ക്യാമറയില്‍ പതിഞ്ഞിട്ടുണ്ട്. വിവരത്തെ തുടര്‍ന്ന് ചന്തേര പൊലീസ് എത്തി അന്വേഷണം ആരംഭിച്ചു. സിസിടിവി ദൃശ്യത്തിലെ ആളിനെ പൊലീസ് തെരയുന്നുണ്ട്.