പാറശാല ഷാരോണ് വധക്കേസില് അന്തിമ റിപ്പോര്ട്ട് റദ്ദാക്കണമെന്നാവശ്യപ്പെട്ട് പ്രതി ഗ്രീഷ്മ നല്കിയ ഹര്ജി സുപ്രീം കോടതി തളളി. കേസിലെ ക്രൈംബ്രാഞ്ച് ഡിവൈഎസ്പിക്ക് അന്തിമ റിപ്പോര്ട്ട് ഫയല് ചെയ്യാന് നിയമപരമായ അധികാരമില്ലെന്നായിരുന്നു ഗ്രീഷ്മയുടെ വാദം. സ്റ്റേഷന് ഹൗസ് ഓഫീസര്ക്ക് മാത്രമേ അന്തിമ റിപ്പോര്ട്ട് ഫയല് ചെയ്യാന് കഴിയൂവെന്നാണ് ഹര്ജിയില് ചൂണ്ടിക്കാട്ടുന്നത്. നേരത്തെ ഈ ആവശ്യം ഹൈക്കോടതി തള്ളിയിരുന്നു.
ഗ്രീഷ്മയുമായി പ്രണയത്തിലായിരുന്ന ഷാരോണിനെ വീട്ടിലേക്ക് വിളിച്ചുവരുത്തി കഷായത്തിലും ജ്യൂസിലും വിഷം കൊടുത്തു കൊന്നുവെന്നാണ് കേസ്. ഗ്രീഷ്മയ്ക്ക് സാമ്പത്തിക ശേഷിയുള്ള സൈനികന്റെ വിവാഹാലോചന വന്നതോടെ ഷാരോണിനെ ഒഴിവാക്കാന് ഗ്രീഷ്മ ശ്രമിച്ചു. എന്നാല് ബന്ധത്തില് നിന്ന് പിന്മാറാന് ഷാരോണ് പിന്മാറാന് തയ്യാറായിരുന്നില്ല. ഇതോടെയാണ് ഷാരോണിനെ കൊലപ്പെടുത്താന് ആസൂത്രണം നടത്തിയതെന്നാണ് പൊലീസിന്റെ കുറ്റപത്രത്തിലെ കണ്ടെത്തല്.
തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലിരിക്കേ ഒക്ടോബര് 25 നാണ് യുവാവ് മരിച്ചത്. ഷാരോണിന്റെ മരണം വിവാദമായതോടെ അമ്മ സിന്ധുവും അമ്മാവന് നിര്മ്മല് കുമാറും തെളിവ് നശിപ്പിക്കാന് ശ്രമിച്ചു. തുടര്ന്ന് ഇതേ കേസില് ഇവരെയും പൊലീസ് പ്രതി ചേത്തിട്ടുണ്ട്.
സി എച്ച് മൊയ്തീൻ കുഞ്ഞി പാലോത്ത് അന്തരിച്ചു
Monday, 1 June 2026, 21:11
