Thursday, June 13, 2024
Latest:

പട്ടികളില്‍ നിന്ന് രക്ഷപ്പെടാന്‍ ഓടിയെത്തിയത് ഐസിയുവില്‍; പുലര്‍ച്ചെ കാട്ടുപന്നി കുഞ്ഞിനെ കണ്ട ജീവനക്കാര്‍ ഒന്നു ഞെട്ടി; പിന്നീട് സംഭവിച്ചത്

നെടുമ്പാറയിലുള്ള കോന്നി ഗവ.മെഡിക്കല്‍ കോളേജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ഓടിക്കയറി. വെള്ളിയാഴ്ച പുലര്‍ച്ചെ മൂന്നരയോടെയായിരുന്നു സംഭവം. ആശുപത്രിക്ക് പുറത്ത് തമ്പടിച്ചിരിക്കുന്ന തെരുവ് പട്ടികള്‍ ഓടിച്ചതിനെ തുടര്‍ന്ന് പരിഭ്രാന്തിയിലായ കാട്ടുപന്നി മെഡിക്കല്‍ കോളേജ് അത്യാഹിത വിഭാഗത്തിലേക്ക് ഓടിക്കയറുകയായിരുന്നു. ഈ സമയം രോഗികള്‍ ആരുമില്ലാതിരുന്നതിനാല്‍ അപകടം ഒഴിവായി. ജീവനക്കാര്‍ മാത്രമാണ് ഇവിടെ ഉണ്ടായിരുന്നത്. അല്‍പനേരം പരിഭ്രാന്തി സൃഷ്ടിച്ച ശേഷം കാട്ടുപന്നി ഒ.പി ടിക്കറ്റ് നല്‍കുന്ന ഇടംവഴി പുറത്തേക്ക് പോയി. കോന്നി വനം ഡിവിഷനിലെ താവളപ്പാറ വനമേഖലയോട് ചേര്‍ന്നാണ് മെഡിക്കല്‍ കോളേജ് സ്ഥിതിചെയ്യുന്നത്. മെഡിക്കല്‍ കോളേജിന്റെ ഹോസ്റ്റലിന്റെ സമീപത്തും രാത്രിയില്‍ പതിവായി കാട്ടുപന്നികള്‍ എത്തുന്നതായി പരിസരവാസികള്‍ പരാതിപ്പെട്ടിരുന്നു. മുന്‍പ് രാത്രികാലങ്ങളില്‍ മെഡിക്കല്‍ കോളേജിന്റെ മുറ്റത്ത് കാട്ടുപോത്തുകള്‍ എത്തുന്നത് പതിവായിരുന്നു.

Leave a Reply

Your email address will not be published. Required fields are marked *

You cannot copy content of this page