ചെന്നൈ: ആദ്യഘട്ട ലോക്സഭാ തെരഞ്ഞെടുപ്പിന്റെ പരസ്യ പ്രചാരണത്തിന് ബുധന് വൈകിട്ട് തിരശ്ശീല വീഴും. തമിഴ്നാട് ഉള്പ്പെടെ 21 സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലേയും 102 മണ്ഡലങ്ങളിലേക്കുള്ള തെരഞ്ഞെടുപ്പ് വെള്ളിയാഴ്ച നടക്കും. 1625 സ്ഥാനാര്ത്ഥികളാണ് ആദ്യഘട്ടത്തില് ജനവിധി തേടുന്നത്.
തമിഴ്നാട്ടില് 39 മണ്ഡലങ്ങളിലേക്കായി 950 സ്ഥാനാര്ത്ഥികളാണ് മത്സരരംഗത്തുള്ളത്. കേന്ദ്ര ഭരണ പ്രദേശമായ പുതുച്ചേരി സംസ്ഥാനത്തെ മാഹി ഉള്പ്പെടെയുള്ള ലോക സഭാ മണ്ഡലത്തിലെ പ്രചരണവും ഇന്ന് സമാപിക്കും. നിലവിലെ എം.പി,യും മുന് പുതുച്ചേരി മുഖ്യമന്ത്രിയും കോണ്ഗ്രസ് നേതാവുമായ വി. വൈദ്യലിംഗമാണ് ഇന്ത്യാ മുന്നണി സ്ഥാനാര്ത്ഥി. പുതുച്ചേരി ആഭ്യന്തര മന്ത്രിയും ബിജെപി നേതാവുമായ എ നമശിവായമാണ് എന്ഡിഎ സ്ഥാനാര്ത്ഥി. മറ്റു 26 സ്ഥാനാര്ത്ഥികളും മത്സര രംഗത്തുണ്ട്.