കൊച്ചി: ആലുവയില്‍ നിന്നു മൂന്നുപേരെ തട്ടിക്കൊണ്ടുപോയ സംഭവത്തില്‍ രണ്ടുപേരെ പൊലീസ് അറസ്റ്റു ചെയ്തു. അന്‍വര്‍, മുഹമ്മദ് റിയാസ് എന്നിവരെയാണ് അറസ്റ്റ്‌ചെയ്തത്. തട്ടിക്കൊണ്ടുപോകുന്നതിനുപയോഗിച്ച ഇന്നോവ കാര്‍ വാടകക്കെടുത്ത പത്തനംതിട്ട എആര്‍ ക്യാമ്പിലെ എ എസ്‌ഐ സുരേഷ് ബാബുവിനെ പൊലീസ് ചോദ്യം ചെയ്തു. വിദേശത്തു നിന്ന് എത്തിയ സുഹൃത്തിനു വേണ്ടിയാണ് കാര്‍ വാടകക്കു നല്‍കിയതെന്നാണ് ഇയാള്‍ പൊലീസിനു മൊഴി നല്‍കിയിട്ടുള്ളതെന്നു പറയുന്നു. ഈ കാര്‍ പ്രതികള്‍ക്ക് എങ്ങനെ കിട്ടിയെന്നു തനിക്കറിയില്ലത്രെ. അതേസമയം തട്ടിക്കൊണ്ടുപോകലിന് ശേഷം തിരുവനന്തപുരത്ത് ഉപേക്ഷിച്ച കാര്‍ ആലുവ പൊലീസ് കസ്റ്റഡിയിലെടുത്തു. അന്വേഷണം തുടരുന്നു.