യുവാവിന്റെ മൂക്ക് ഇടിച്ചു തകര്‍ത്തു; കൊലക്കേസ് പ്രതി അറസ്റ്റില്‍
കണ്ണൂര്‍: ബൈക്ക് റോഡിനു കുറുകെയിട്ട് ഗതാഗതം തടസ്സെപ്പടുത്തിയത് ചോദ്യം ചെയ്ത വിരോധത്തില്‍ യുവാവിന്റെ മൂക്ക് അടിച്ചു തകര്‍ത്ത കേസില്‍ കൊലക്കേസ് പ്രതി അറസ്റ്റില്‍. കൂത്തുപറമ്പിലെ വാഴയില്‍ സിറാജി(42)നെയാണ് കൂത്തുപറമ്പ് പൊലീസ് അറസ്റ്റ് ചെയ്തത്. ഇരിട്ടി, കോളിക്കടവിലെ ചെറിമ്പറമ്പത്ത് ഹൗസില്‍ കെ. പ്രശോഭിനെ ആക്രമിച്ച കേസിലെ പ്രതിയാണ്. ജനുവരി 24നാണ് കേസിനാസ്പദമായ സംഭവം. രാത്രി ഒമ്പത് മണിയോടെ ഇരിട്ടി കോളിക്കടവിലെ ബന്ധു വീട്ടില്‍ പോയി സുഹൃത്തിനൊപ്പം കൂത്തുപറമ്പ് ടൗണിലേക്ക് സ്‌കൂട്ടറില്‍ വരികയായിരുന്നു പ്രശോഭ്. ഇതിനിടയിലായിരുന്നു അക്രമം.
