കാസര്‍കോട്: കാസര്‍കോട്ടെ പൊലീസ് ഉദ്യോഗസ്ഥനെ കാറിടിച്ച് മരിച്ച നിലയില്‍ കണ്ടെത്തി. എങ്ങനെയാണ് അപകടം ഉണ്ടായതെന്നു വ്യക്തമല്ല. കാസര്‍കോട് ജില്ലാ പൊലീസ് ആസ്ഥാനത്ത് അസിസ്റ്റന്റ് എംടിഒ ആയി ജോലി ചെയ്യുന്ന എഎസ്‌ഐ സജിമാത്യു(50)വാണ് മരിച്ചത്. മെഡിക്കല്‍ ലീവെടുത്ത് സ്വദേശത്തേയ്ക്ക് പോയതായിരുന്നു. പോത്താനിക്കാട് പൊലീസ് സ്റ്റേഷന്‍ പരിധിയിലെ തായ്മറ്റം കോളനിക്കു സമീപത്താണ് സംഭവം. ഇയാളുടെ കാറിനു സമീപത്താണ് മൃതദേഹം കണ്ടെത്തിയത്. കാര്‍ കയറി ഗുരുതരമായി പരിക്കേറ്റ നിലയിലായിരുന്നു. ഉടന്‍ കോതമംഗലം ധര്‍മ്മഗിരി ആശുപത്രിയില്‍ എത്തിച്ചുവെങ്കിലും അപ്പോഴേയ്ക്കും മരണം സംഭവിച്ചിരുന്നു. സംഭവത്തില്‍ പോത്താനിക്കോട് പൊലീസ് അന്വേഷണം ആരംഭിച്ചു.