Tuesday, April 16, 2024

കൊച്ചിയിൽ ഗുണ്ടാ സംഘങ്ങൾ ഏറ്റുമുട്ടി; ഒരാൾ മരിച്ചു;മറ്റൊരാൾക്ക് കുത്തേറ്റു; മരിച്ചത് കൊലക്കേസ് പ്രതി


കൊച്ചി:കൊച്ചിയിൽ ഗുണ്ടാസംഘങ്ങള്‍ തമ്മിലുള്ള സംഘട്ടനത്തില്‍ ഒരാള്‍ കുത്തേറ്റു മരിച്ചു, മറ്റൊരാള്‍ക്ക് പരുക്കേറ്റു. പരുക്കേറ്റയാളെ ആശുപത്രിയില്‍ പ്രവേശിപ്പിച്ചു.ഏലൂര്‍ കാഞ്ഞിരക്കുന്നത്ത് വീട്ടില്‍ കരീമിന്റെ മകന്‍ ലാല്‍ജു (40) ആണ് മരിച്ചത്.ഇന്നലെ രാത്രി എട്ടരയോടെയാണ് സംഭവം. കച്ചേരിപ്പടി ആയുര്‍വേദ ആശുപത്രിക്ക് സമീപം ലഹരി മാഫിയ സംഘം പരസ്പരം ഏറ്റുമുട്ടുകയായിരുന്നു. മരിച്ച ലാല്‍ജു കുമ്പളങ്ങി ലാസര്‍ കൊലക്കേസില്‍ രണ്ടാം പ്രതിയാണ്. മൃതദേഹം എറണാകുളം മെഡിക്കല്‍ ട്രസ്റ്റ് ആശുപത്രി മോര്‍ച്ചറിയില്‍. കുത്തിയ കച്ചേരിപ്പടി സ്വദേശി ഫാജിസ് ഒളിവിലാണെന്നു പോലീസ് പറഞ്ഞു. ഇയാള്‍ക്കായി തിരച്ചില്‍ ആരംഭിച്ചു.

Leave a Reply

Your email address will not be published. Required fields are marked *

You cannot copy content of this page