വയനാട് കുറുവയില് കാട്ടാന ആക്രമണത്തില് പരിക്കേറ്റ വനസംരക്ഷണ സമിതി ജീവനക്കാരന്മരിച്ചു. വെള്ളച്ചാലില് പോളി (50) ആണ് മരിച്ചത്. വന്യജീവി ആക്രമണത്തില് പ്രതിഷേധിച്ച് നാളെ വയനാട് യുഡിഎഫ് ഹര്ത്താല് പ്രഖ്യാപിച്ചു. വെള്ളിയാഴ്ച രാവിലെ ഒമ്പതുമണിയോടെയാണ് കാട്ടാനയുടെ ആക്രമണത്തില് പോളിന് ഗുരുതരമായി പരുക്കേറ്റത്. അതീവ ഗുരുതരവസ്ഥയിലാണ് മെഡിക്കല് കോളേജില് എത്തിച്ചത്. കുറുവാ ദ്വീപ് വനസംരക്ഷണ സമിതി ജീവനക്കാരനായ പോള് ജോലിക്കായി പോകുന്ന വഴി ആനക്കൂട്ടത്തിന് മുന്നില്പ്പെടുകയായിരുന്നു. ഉടന് ഭയന്നോടിയപ്പോള് താന് കമിഴ്ന്ന് വീണെന്നും പിന്നാലെ വന്ന കാട്ടാന ചവിട്ടിയെന്നുമാണ് പോള് പറഞ്ഞത്. സംഭവം അറിഞ്ഞ് സ്ഥലത്തെത്തിയ സഹപ്രവര്ത്തകരാണ് പോളിനെ മാനന്തവാടി മെഡിക്കല് കോളേജ് ആശുപത്രിയിലെത്തിച്ചത്. പിന്നാലെ പോളിന്റെ ആരോഗ്യനില വഷളായതിനെ തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു. ഭാര്യ: സാനി. മകള്: സോന (പത്താം ക്ലാസ് വിദ്യാര്ഥി)
കാലിച്ചാമരം – പരപ്പ, കൊല്ലംപാറ – ബിരിക്കുളം റോഡുകൾ മെക്കാഡം ടാറിങ് ചെയ്യണം: മെർച്ച. അസോ.
Monday, 15 June 2026, 20:19
