തുടര്‍ച്ചയായ ഛര്‍ദി; ആശുപത്രിയിലെത്തിച്ച അഞ്ച് വയസുകാരി മരിച്ചു

ഇടുക്കി: തുടര്‍ച്ചയായ ഛര്‍ദിയെ തുടര്‍ന്ന് ആശുപത്രിയിലെത്തിച്ച അഞ്ച് വയസുകാരി മരിച്ചു. വണ്ടിപ്പെരിയാര്‍ സ്വദേശി ഷിജോയുടെ മകള്‍ ആര്യയാണ് മരിച്ചത്. ചൊവ്വാഴ്ച വൈകിട്ട് നിരന്തരം ഛര്‍ദിച്ച കുട്ടിയെ വള്ളക്കടവിലെ സ്വകാര്യ ആശുപത്രിയില്‍ ചികിത്സക്കായി എത്തിച്ചിരുന്നു. പരിശോധനയ്ക്കുശേഷം പ്രാഥമിക ചികിത്സ നല്‍കി. വൈകിട്ട് ഭക്ഷണം കഴിച്ചശേഷം കുട്ടി വീണ്ടും ഛര്‍ദിച്ചു. ഇതോടെ ആദ്യം കൊണ്ടുവന്ന ആശുപത്രിയില്‍ തന്നെ എത്തിച്ചു. എന്നാല്‍, നില വഷളാകും എന്ന് കണ്ടതോടെ പീരുമേട് താലൂക്ക് ആശുപത്രിയിലേക്ക് കൊണ്ടുപോകാന്‍ നിര്‍ദ്ദേശിച്ചു. പീരുമേട്ടിലെ ആശുപത്രിയിലേക്കുള്ള വഴിമധ്യേയാണ് കുട്ടി മരിച്ചത്. ചൊവ്വാഴ്ച രാവിലെ കുട്ടി മുത്തച്ഛനോടൊപ്പം ഗവിയിലേക്ക് പോയിരുന്നു. ഇവിടെനിന്നും ഐസ്‌ക്രീം തിന്നുകയും ചെയ്തു. ഇതിനുശേഷമാണ് കുട്ടിക്ക് നിരന്തരം ഛര്‍ദി തുടങ്ങിയത്. മൃതദേഹം പീരുമേട് താലൂക്ക് ആശുപത്രി മോര്‍ച്ചറിയില്‍. പോസ്റ്റ്‌മോര്‍ട്ടത്തിനുശേഷമേ മരണകാരണം വ്യക്തമാകുവെന്ന് ഡോക്ടര്‍മാര്‍ പറഞ്ഞു.

Leave a Reply

Your email address will not be published. Required fields are marked *

You cannot copy content of this page