യുവതിയെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. കര്‍ണാടക ബെല്‍ത്തങ്ങാടി കാര്യത്തഡ്ക കലെഞ്ച സ്വദേശിനി രേവതി എന്ന 30 കാരിയാണ് മരിച്ചത്. മുറിയില്‍ നിന്ന് പുറത്തു വരാത്തത് ശ്രദ്ധയില്‍പ്പെട്ട വീട്ടുകാര്‍ വാതില്‍ തകര്‍ത്ത് ഉള്ളില്‍ കയറിയപ്പോഴാണ് രേവതിയെ തൂങ്ങി മരിച്ച നിലയില്‍ കണ്ടെത്തിയതെന്ന് പൊലീസ് പറഞ്ഞു. സംഭവ സ്ഥലത്ത് നിന്ന് ആത്മഹത്യാ കുറിപ്പും കണ്ടെത്തിയിട്ടുണ്ട്. മംഗളൂരുവിലെ ഒരു സ്വകാര്യ കമ്പനിയില്‍ ജോലി ചെയ്തിരുന്ന അവിവാഹിതയായ ഇവര്‍ ആരോഗ്യപ്രശ്നങ്ങളെ തുടര്‍ന്ന് അടുത്തിടെയാണ് സ്വന്തം വീട്ടിലേക്ക് മടങ്ങിയത്. അതിന് ശേഷം അധികമൊന്നും വീട്ടുകാരോട് സംസാരിക്കാതെ തനിച്ചിരിക്കുകയായായിരുന്നുവെന്ന് വീട്ടുകാര്‍ പറഞ്ഞു. ആത്മഹത്യ ചെയ്യാനുള്ള കാരണത്തെ സംബന്ധിച്ച് വിശദമായി അന്വേഷണം തുടരുകയാണെന്നും ധര്‍മസ്ഥല പൊലീസ് അറിയിച്ചു.