കോഴിക്കോട്: അച്ഛന്റെ മർദ്ദനമേറ്റ് ചികിത്സയിലായിരുന്ന മകൻ മരിച്ചു. പാലാഴി മീത്തൽ സ്വദേശി രഞ്ജിത്താണ്
(31) മരിച്ചത്. ഗുരുതരമായി പരിക്കേറ്റ രഞ്ജിത്ത് കോഴിക്കോട് മെഡിക്കൽ കോളേജിൽ ചികിത്സയിലിരിക്കെയാണ് മരണം. പിതാവ് രാജേന്ദ്രൻ റിമാൻഡിലാണ്. ഡിസംബർ 24 നായിരുന്നു കേസിന് ആസ്പദമായ സംഭവം. മദ്യപാനത്തെ തുട ർന്നുള്ള വാക്കേറ്റം കയ്യാങ്കളിയിലേക്ക് നയിക്കു കയായിരുന്നു. തർക്കം മൂർഛിച്ചതോടെ അച്ഛൻ രാജേന്ദ്രൻ മകനെ കല്ല് ഉപയോഗിച്ച് തലയ്ക്ക് അടിക്കുകയായിരുന്നു.
ആക്രമണത്തിൽ ഗുരുതരമായി പരിക്കേറ്റ മകൻ രഞ്ജിത്തിനെ പ്രദേശവാസികൾ ചേർന്നാണ് ആശുപത്രിയിലെത്തിച്ചത്. തുടർനടപടികൾക്ക് ശേഷം മൃതദേഹം ബന്ധുക്കൾക്ക് വിട്ട് നൽകും.