കോഴിക്കോട്: വീടിന് മുന്നില്‍ നിര്‍ത്തിയിട്ട സ്‌കൂട്ടര്‍ കത്തിനശിച്ചു. വന്‍ ശബ്ദത്തോടെ സ്‌കൂട്ടര്‍ പൊട്ടിത്തെറിക്കുകയായിരുന്നുവെന്നാണ് വിവരം. സംഭവത്തില്‍ വീടിന്റെ മതിലിനും ചുമരുകള്‍ക്കും കേടുപാടുകള്‍ സംഭവിച്ചു. കോഴിക്കോട് സിവില്‍ സ്റ്റേഷന്‍ കോട്ടൂളി റോഡില്‍ വെള്ളിയാഴ്ച്ച രാത്രിയാണ് സംഭവം. സ്‌കൂട്ടര്‍ കത്തുന്നത് കണ്ടതോടെ സമീപവാസികള്‍ പൊലീസില്‍ വിവരം അറിയിക്കുകയായിരുന്നു. ഇതിന് തൊട്ടുപിന്നാലെ സ്‌കൂട്ടര്‍ യാത്രക്കാരന്‍ ഇവിടെനിന്ന് ഓടിരക്ഷപെട്ടെന്ന് ദൃക്സാക്ഷികള്‍ പറഞ്ഞു. പൊലീസ് സ്ഥലത്തെത്തി പരിശോധന തുടങ്ങി. സംഭവത്തില്‍ ദുരൂഹതയുണ്ടെന്നും പോലീസ് അറിയിച്ചു. പൊലീസ് അന്വേഷണം ആരംഭിച്ചു.
