തൃശൂര്: മുതിര്ന്ന കോണ്ഗ്രസ് നേതാവും മുന് വനം വകുപ്പ് മന്ത്രിയുമായ കെ.പി വിശ്വനാഥന് അന്തരിച്ചു. 83 വയസായിരുന്നു. തൃശ്ശൂരിലെ സ്വകാര്യ ആശുപത്രിയില് വെച്ചായിരുന്നു അന്ത്യം. തൃശ്ശൂരിലെ കോണ്ഗ്രസ് നേതാക്കളില് ഏറ്റവും മുതിര്ന്ന നേതാവായിരുന്നു കെ.പി. വിശ്വനാഥന്. കെ കരുണാകരന്, ഉമ്മന് ചാണ്ടി മന്ത്രി സഭയിലെ വനം മന്ത്രിയായിരുന്നു. 1977ലും 1980ലും കുന്നംകുളം നിയോജകമണ്ഡലത്തില് നിന്ന് ഐഎന്സി അംഗമായി വിശ്വനാഥന് കേരള നിയമസഭയിലേക്ക് തിരഞ്ഞെടുക്കപ്പെട്ടിരുന്നു. കോണ്ഗ്രസ് പാര്ലമെന്ററി പാര്ട്ടി അംഗം, ഖാദി ബോര്ഡ് അംഗം, കെ.എസ്.ആര്.ടി.സി ഡയറക്ടര് ബോര്ഡ് അംഗം, തൃശൂര് ജില്ലാ സഹകരണ ബാങ്ക് പ്രസിഡന്റ്, കേരള സ്റ്റേറ്റ് കോ-ഓപ്പറേറ്റീവ് യൂണിയന് മാനേജിംഗ് കമ്മിറ്റി അംഗം, ഡയറക്ടര് എന്നീ നിലകളില് വിശ്വനാഥന് വിവിധ സമയങ്ങളില് സേവനമനുഷ്ഠിച്ചിട്ടുണ്ട്. വനം മന്ത്രിയായിരിക്കെ മയക്കുമരുന്ന് വിരുദ്ധ പ്രവര്ത്തനങ്ങളിലും വനസംരക്ഷണത്തിലും കൈവരിച്ച പ്രകടനത്തിന് ആന്റി നര്ക്കോട്ടിക് കൗണ്സില് ഓഫ് ഇന്ത്യയുടെ ദേശീയ അവാര്ഡ് ലഭിച്ചിട്ടുണ്ട്.
![](https://malayalam.karavaldaily.com/wp-content/uploads/2024/07/mogral-river-waste.jpg)