കൊച്ചി: മതം മാറ്റി വിവാഹം കഴിപ്പിച്ച അഖില എന്ന ഹാദിയയെ കാണാനില്ലെന്ന് കാണിച്ച്  ഹൈക്കോടതിയിൽ പിതാവിൻ്റെ ഹേബിയസ് കോർപ്പസ് ഹർജി.അച്ഛൻ  അശോകനാണ്  ഹർജി നൽകിയത്. ഹർജി കോടതി ഫയലിൽ സ്വീകരിച്ചു. അടുത്തിടെ ഹാദിയ വീണ്ടും വിവാഹം കഴിച്ചതായി വാർത്ത പുറത്ത് വന്നിരുന്നു. ഈ സാഹചര്യത്തിലാണ് മകൾ എവിടെയാണെന്ന് അറിയില്ലെന്ന് കാണിച്ച് ഹർജി നൽകിയത്.ഹർജിയിൽ മറുപടി നൽകാൻ സംസ്ഥാന പൊലീസ് മേധാവിയോടും മലപ്പുറം ജില്ലാ പൊലീസ് സൂപ്രണ്ടിനോടും കോടതി ആവശ്യപ്പെട്ടു. പോപ്പുലർ ഫ്രണ്ടിൻ്റെ നേതൃത്വത്തിൽ അഖിലയെ നിർബന്ധിത മതപരിവർത്തനത്തിന് വിധേയമാക്കുകയായിരുന്നെന്ന് നേരത്തെ കുടുംബം ആരോപണം ഉയർത്തിയിരുന്നു.