മൂവാറ്റുപുഴ: തോട്ടത്തില്‍ പൊട്ടിവീണ വൈദ്യുതി കമ്പിയില്‍ നിന്ന് ഷോക്കേറ്റ് 11 വയസുകാരന് ദാരുണാന്ത്യം. മൂവാറ്റുപുഴ പേഴയ്ക്കാപ്പള്ളിയിലാണ് സംഭവം.ഇതരസംസ്ഥാന തൊഴിലാളിയുടെ മകനായ റാബുല്‍ ഹുസൈനാണ് മരിച്ചത്. കുട്ടിയുടെ സഹോദരനും പരിക്കുണ്ട്.ജാതിത്തോട്ടത്തിനു സമീപം പിതാവിനും സഹോദരനുമൊപ്പം ആക്രിപെറുക്കുകയായിരുന്നു റാബുല്‍. ഇതിനിടെ നിലത്തു കമ്പി കിടക്കുന്നത് കണ്ട് കുട്ടി അത് എടുക്കാൻ ശ്രമിക്കവേ ഷോക്കേല്‍ക്കുകയായിരുന്നു. രക്ഷിക്കാനെത്തിയ സഹോദരന്‍റെ കാലിന് പൊള്ളലേറ്റു. ഇവരുടെ നിലവിളി കേട്ട് ഓടിയെത്തിയ നാട്ടുകാര്‍ വൈദ്യുതി കമ്പി വേര്‍പെടുത്തിആശുപത്രിയിലെത്തിച്ചെങ്കിലും മരിച്ചു.