തിരുവനന്തപുരം നഗരത്തിലെ ലോഡ്ജില്‍ യുവാവ് ദുരൂഹ സാഹചര്യത്തില്‍ മരിച്ചു. സംഭവത്തില്‍ ഒപ്പമുണ്ടായിരുന്ന യുവതിയെ പൊലീസ് കസ്റ്റഡിയിലെടുത്തു. പത്തനാപുരം മാങ്കോട് തേന്‍കുടിച്ചാല്‍ സ്വദേശി അജിനാണ് (33) മരിച്ചത്. ചെട്ടികുളങ്ങരയിലെ ലോഡ്ജില്‍ ബുധനാഴ്ച രാത്രി പത്തോടെയായിരുന്നു സംഭവം. അജിനെ അബോധാവസ്ഥയില്‍ കണ്ടതോടെ യുവതി ലോഡ്ജ് ജീവനക്കാരുടെ സഹായത്താല്‍ ജനറല്‍ ആശുപത്രിയില്‍ എത്തിക്കുകയായിരുന്നു. അപ്പോഴേക്കും മരണം സംഭവിച്ചിരുന്നു. ആശുപത്രി അധികൃതരുടെ വിവരത്തെ തുടര്‍ന്ന് വഞ്ചിയൂര്‍ പൊലീസ് സ്ഥലത്തെത്തി. അസ്വാഭാവിക മരണത്തിന് കേസെടുത്ത് അന്വേഷണം തുടങ്ങി.
