കാസര്കോട്: പാര്സല് ഭക്ഷണത്തില് എലിവിഷം കലര്ത്തി യുവാവിനെയും കുടുംബത്തെയും അപായപ്പെടുത്താന് ശ്രമിച്ചതായി പരാതി. കാസര്കോട്, അണങ്കൂര്, ടിവി സ്റ്റേഷന് റോഡിലെ കലന്തര് ഷാ (30)യുടെ പരാതിയില് അബ്ദുല് ഖാദര് എന്നയാള്ക്കെതിരെ ടൗണ് പൊലീസ് കേസെടുത്തു.
മെയ് 11ന് ആണ് കേസിനാസ്പദമായ സംഭവം. കലന്തര്ഷായുടെ സഹോദരനായ കബീറിനാണ് വിഷം കലര്ത്തിയ ഭക്ഷണം നല്കിയതെന്നു പരാതിയില് പറഞ്ഞു. സംഭവത്തില് അന്നു തന്നെ പൊലീസില് പരാതി നല്കിയിരുന്നു. വിഷം കലര്ന്ന ഭക്ഷണം പൊലീസ് ബന്തവസില് എടുത്ത് കോഴിക്കോട്ടെ ആര്സിഇഎല് ലാബിലേക്ക് പരിശോധനക്കയച്ചു. കഴിഞ്ഞ ദിവസം പരിശോധനാ റിപ്പോര്ട്ട് ലഭിച്ചു. ഭക്ഷണത്തില് എലിവിഷം കലര്ന്നിട്ടുണ്ടെന്നാണ് റിപ്പോര്ട്ടില് പറയുന്നത്. തുടര്ന്നാണ് പൊലീസ് കേസെടുത്തത്. എന്നാല് വിശദമായ അന്വേഷണത്തില് മാത്രമേ എവിടെ നിന്നാണ് ഭക്ഷണത്തില് വിഷം കലര്ത്തിയതെന്നു വ്യക്തമാവുകയുള്ളുവെന്ന് പൊലീസ് പറഞ്ഞു.
ക്ലാസിക് ലെജന്റ്സ് പ്രൈവറ്റ് ലിമിറ്റഡിന്റെ യെസ്ഡി സ്ക്രാമ്പ്ളർ കാസര്കോട് ജില്ലയിൽ ഔദ്യോഗികമായി ലോഞ്ചു ചെയ്തു
Saturday, 11 July 2026, 17:07
