ബൈക്കിൽ നിന്ന് തെറിച്ചു വീണ വയോധികൻ ടോറസ് ലോറി കയറി മരിച്ചു

കാസർകോട്: ബൈക്കിൽ നിന്നു തെറിച്ചു വീണ വയോധികൻ ടോറസ് കയറി മരിച്ചു. ഹൊസബെട്ടു കടപ്പുറo സ്വദേശി കൊപ്പള ഹൗസിലെ അബ്ദുൽ ഖാദർ (72) ആണ് മരിച്ചത്. ശനിയാഴ്ച സന്ധ്യയോടെ ദേശീയ പാത മഞ്ചേശ്വരം കറോഡ മസ്ജിദിനടുത്തായിരുന്നു അപകടം. വീട്ടിൽ നിന്നു മഞ്ചേശ്വരത്തേക്ക് ബൈക്കിൽ പോകവേ പണി നടക്കുന്ന ഓവുചാലിന്റെ സ്ലാബിൽ തട്ടി തെറിച്ചു റോഡിലേക്ക് വീഴുകയായിരുന്നു. പിന്നാലെ എത്തിയ ടോറസ് ലോറി ദേഹത്തുകൂടി കയറി. അപകടസ്ഥലത്തു വച്ചുതന്നെ മരിച്ചു. മൃതദേഹം മംഗൽപ്പാടിയിലെ താലൂക്ക് ആശുപത്രി മോർച്ചറിയിൽ എത്തിച്ചു. ഭാര്യ: സുഹറ. മക്കൾ: ഷബീർ, ഖദീജ, നൗഷ , ഫാത്തിമ, റിള.

Leave a Reply

Your email address will not be published. Required fields are marked *

You cannot copy content of this page