തിരുവനന്തപുരം: മകന്റെ വിവാഹം ക്ഷണിക്കുന്നതിനായി പോവുകയായിരുന്ന വീട്ടമ്മ വാഹനാപകടത്തിൽ മരിച്ചു. ചാല കരിമഠം കോളനിയിൽ ലേഖ (45) ആണ് മരിച്ചത്. ഭ‌ർത്താവ് കുമാറിനൊപ്പം സ്‌കൂട്ടറിൽ യാത്ര ചെയ്യവെ ടിപ്പ‌ർ‌ ലോറിയിടിക്കുകയായിരുന്നു. ആംബുലൻസിന് സൈഡ് കൊടുക്കുന്നതിനായി ടിപ്പർ ലോറി വശത്തേയ്ക്ക് മാറിയപ്പോൾ സ്‌കൂട്ടറിൽ ഇടിക്കുകയായിരുന്നു.ലേഖ ഹെൽമറ്റ് ധരിച്ചിരുന്നില്ല. അപകടത്തെത്തുടർന്ന് ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ പരിക്കേറ്റ കുമാർ പി ആർ എസ് ആശുപത്രിയിൽ ചികിത്സയിലാണ്. അടുത്ത മാസം 18നാണ് മകന്റെ വിവാഹം നിശ്ചയിച്ചിരിക്കുന്നത്