വാഹനങ്ങള്ക്ക് ലഭിക്കുന്ന എ ഐ ക്യാമറാ ഫൈനുകളോ മറ്റ് ഇ ചല്ലാനുകളും മൊബൈല് ഫോണ് ഉപയോഗിച്ച് അടക്കാന് സാധിക്കുമെന്ന് മോട്ടോര് ഗതാഗത വകുപ്പ്. മൊബൈലില് ഇന്സ്റ്റാള് ചെയ്തിരിക്കുന്ന എം പരിവാഹന് ആപ്പ് തുറന്ന ശേഷം അതിലെ ‘ട്രാന്സ്പോര്ട്ട് സര്വീസസ്’ എന്ന ബട്ടണ് അമര്ത്തുക തുടര്ന്ന് ‘ചെലാന് റിലേറ്റഡ് സര്വീസസ്’ എന്ന വരിയിലെ ‘വ്യൂ മോര്’ എന്ന ബട്ടണ് അമര്ത്തണം. പിന്നീട് ‘പേമെന്റ്’ എന്ന ബട്ടണ് അമര്ത്തുക. അതിനുശേഷം ‘പേ യുവര് ചെല്ലാന്’ എന്ന ബട്ടണ് അമര്ത്തുക. ഇവിടെ ചെല്ലാന് നമ്പറോ / വാഹന നമ്പറോ / ഡ്രൈവിംഗ് ലൈസന്സ് നമ്പറോ നല്കാം. അതിനുശേഷം ‘ഗെറ്റ് ഡീറ്റെയില്സ്’ എന്ന ബാര് അമര്ത്തുക. വാഹനത്തിന്റെ ചെല്ലാനുകള് സംബന്ധിച്ച എല്ലാ വിവരവും ഇവിടെ കാണാം. അതില് ‘പെന്റിങ്ങ് ‘ എന്ന ബട്ടണ് അമര്ത്തുക. ഇവിടെ ചെല്ലാന് നമുക്ക് ഡൗണ്ലോഡ് ചെയ്ത് എടുക്കാനുള്ള സൗകര്യമുണ്ട്. ‘ഡൗണ്ലോഡ് ചെല്ലാന്’ എന്ന ബാര് അമര്ത്തിയാല് പിഡിഎഫ് ആയി ചെല്ലാന് ഡൗണ്ലോഡ് ചെയ്തെടുക്കാം. പിഴ അടക്കുന്നതിനായി ‘പേ നൗ’ എന്ന ബാര് അമര്ത്തുക. ‘ഇ ട്രഷറി’ തിരഞ്ഞെടുത്തു ‘കണ്ടിന്യൂ’ ബട്ടന് അമര്ത്തുക. ഇവിടെ ക്രെഡിറ്റ് കാര്ഡോ / ഡെബിറ്റ് കാര്ഡോ / നെറ്റ് ബാങ്കിങ്ങോ /യുപിഐ പേമെന്റ് മുഖാന്തിരമോ പിഴ ഒടുക്കാവുന്നതാണ്.
യു.പി.ഐ ഗൂഗിള് പേ ഉപയോഗിച്ചാണ് പിഴ അടക്കാന് ആഗ്രഹിക്കുന്നത് എങ്കില് യുപിഐ എന്ന ബട്ടണ് അമര്ത്തുക. കാര്ഡോ നെറ്റ് ബാങ്കിങ്ങോ ഉപയോഗിക്കാനുള്ള സംവിധാനം കൂടി ഉണ്ട്. ഗൂഗിള് പേ വഴി പിഴ ഒടുക്കിയതിനു ശേഷം ‘പ്രസ്സ് ഒക്കെ ടു പ്രൊസീഡ് ‘ എന്ന ബാര് അമര്ത്തണം. ട്രാന്സാക്ഷന് വിജയകരമായി പൂര്ത്തിയായതിനുശേഷം ‘പ്രിന്റ് റെസിപ്റ്റ് ‘ എന്ന ബാര് അമര്ത്തി റസീറ്റ് ഡൗണ്ലോഡ് ചെയ്യാം. എ ഐ ക്യാമറ മുഖാന്തിരമോ മറ്റു വിധത്തിലോ ലഭിച്ച ചലാനുകള് അടക്കാന് ഉദ്ദേശിക്കുന്നുവെങ്കില് ഈ മാര്ഗം വളരെ എളുപ്പത്തില് ഉപയോഗിക്കാവുന്നതാണ്.
ദേശീയ പഞ്ചഗുസ്തി മത്സരം; ഗോൾഡ് മെഡൽ നേടി നീലേശ്വരം ചാത്തമത്തെ ആദർശ്
Thursday, 18 June 2026, 6:50
