ഏഴാം ക്ളാസ് വിദ്യാർത്ഥിനി വീട്ടിനുള്ളിൽ മരിച്ച നിലയിൽ
ആലപ്പുഴ:ഏഴാം ക്ലാസ് വിദ്യാര്‍ത്ഥിനിയെ വീടിനുള്ളില്‍ മരിച്ച നിലയില്‍ കണ്ടെത്തി. കുട്ടനാട് കൈനകരി പഞ്ചായത്ത് 5-ാം വാര്‍ഡ് ചേന്നങ്കരി ചാലച്ചിറ വീട്ടില്‍ റെജിമോന്റെയും മനീഷയുടെയും മകള്‍ ആര്‍ നിരഞ്ജനയാണ് മരിച്ചത്.സംഭവ സമയം മാതാപിതാക്കള്‍ ജോലിക്കു പോയിരിക്കുകയായിരുന്നു. മുത്തശ്ശി മാത്രമാണു വീട്ടിലുണ്ടായിരുന്നത്. സ്കൂള്‍ വിട്ടു വീട്ടിലെത്തിയ കുട്ടി മുറിയില്‍ കയറിയ ശേഷം പുറത്തേക്കു കാണാതായതിനെ തുടര്‍ന്ന് മുത്തശി മുറിക്കുള്ളില്‍ കയറി നോക്കി. അപ്പോഴാണു അനക്കമില്ലാത്ത നിലയില്‍ കുട്ടിയെ കണ്ടെത്തിയത്.
ബന്ധുക്കളെ വിളിച്ചുവരുത്തി കൈനകരിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്‌മോര്‍ട്ടത്തിനായി ആലപ്പുഴ മെഡിക്കല്‍ കോളേജ് ആശുപത്രിയിലേക്ക് മാറ്റി.
