പ്രാങ്ക് വീഡിയോയുടെ മറവിൽ പെൺകുട്ടികളോട് മോശമായി പെരുമാറി യുവാക്കൾ അറസ്റ്റിൽ

തിരുവനന്തപുരം: തമാശ വീഡിയോ ചിത്രീകരിക്കാൻ മുഖംമൂടി ധരിച്ചെത്തി  പെൺകുട്ടികളോട് മോശമായി പെരുമാറിയ യുവാക്കളെ പൊലീസ് കസ്റ്റഡിയിലെടുത്തു.തിരുവനന്തപുരം നെയ്യാറ്റിൻകരയിലാണ് സംഭവം. ആനാവൂർ സ്വദേശിയായ മിഥുൻ, പാലിയോട് സ്വദേശി കണ്ണൻ എന്നിവരാണ് പിടിയിലായത്. നെയ്യാറ്റിൻകര കോൺവെന്റ് റോഡിൽ വച്ചാണ് ഇവർ പെൺകുട്ടികളോട് മോശമായി പെരുമാറിയത്. മുഖം മൂടി ധരിച്ചെത്തി സ്‌കൂൾ വിദ്യാർത്ഥിനികളെ സമ്മതം ഇല്ലാതെ സ്പർശിക്കുകയായിരുന്നു. ആൺകുട്ടികളെ പൊക്കി എടുക്കുകയും ചെയ്തു.ഇതിന്‍റെ വീഡിയോയും ചിത്രീകരിക്കുന്നുണ്ടായിരുന്നു.സംഭവം ശ്രദ്ധയിൽപ്പെട്ട നാട്ടുകാരാണ് സിസിടിവി ദൃശ്യങ്ങൾ ഉൾപ്പെടെ ചേർത്ത് പൊലീസിൽ പരാതി നൽകിയത്. തുടർന്ന് രാവിലെ ഇരുവരെയും കസ്റ്റഡിയിലെടുക്കുയായിരുന്നു.