സോഷ്യല് മീഡിയ വഴി പെണ്കുട്ടികള്ക്ക് ഹാര്ട്ട് ഇമോജി അയക്കുന്നവര്ക്കെതിരെ നടപടിയുമായി സൗദിയും കുവൈറ്റും. കുവൈത്തില് പെണ്കുട്ടികള്ക്ക് ഹാര്ട്ട് ഇമോജി അയക്കുന്നവര്ക്ക് രണ്ടു വര്ഷം തടവും 2000 കുവൈത്ത് ദിനാര് പിഴയുമാണ് ശിക്ഷയെന്ന് കുവൈത്ത് അഭിഭാഷകന് ഹയാ അല് ഷലാഹി പറഞ്ഞു. സൗദിയിലും ഹാര്ട്ട് ഇമോജി അയക്കുന്നവരെ ജയിലിലടക്കും. സൗദി സൈബര് ക്രൈം വിദഗ്ധര് പറയുന്നതുപ്രകാരം ഹാര്ട്ട് ഇമോജി അയക്കുന്നത് പീഡനം ആയാണ് സൗദിയില് കണക്കാക്കുക. കുറ്റം ചെയ്തതായി കണ്ടെത്തിയാല് രണ്ടു മുതല് അഞ്ചു വര്ഷം വരെ തടവും ഒരു ലക്ഷം സൗദി റിയാല് പിഴയും ലഭിക്കും. ഓണ്ലൈന് സംഭാഷണങ്ങളില് ഉപയോഗിക്കുന്ന ചില ചിത്രങ്ങള്ക്കും പദപ്രയോഗങ്ങള്ക്കും എതിരെ ഒരാള് കേസ് ഫയല് ചെയ്താല് അത് പീഡന പരാതിയില് ഉള്പ്പെടുമെന്ന് സൗദി അറേബ്യയിലെ ആന്റി ഫ്രോഡ് അസോസിയേഷന് അംഗം അല് മൊതാസ് കുത്ബി പറഞ്ഞു.
കുറ്റിക്കോല് അത്തിയടുക്കത്ത് ലോറി മറിഞ്ഞു: രണ്ട് പേര്ക്ക് പരിക്ക്, വീടിനും കേടുപാട്
Monday, 13 July 2026, 18:18
