വിദ്യാര്ത്ഥികളുടെ മിനിമം യാത്രാ നിരക്ക് 5 രൂപയാക്കണം; സ്വകാര്യ ബസുടമകള് സമരത്തിലേക്ക്
തിരുവനന്തപുരം: വിദ്യാര്ത്ഥികളുടെ മിനിമം യാത്രാ നിരക്ക് അഞ്ചു രൂപയായി വര്ധിപ്പിക്കണമെന്ന് ആവശ്യപ്പെട്ട് സ്വകാര്യ ബസുടമകള് സമരത്തിലേക്ക്. നിലവില് ഒരു രൂപയാണ് മിനിമം നിരക്ക്. വിദ്യാര്ത്ഥികളുടെ യാത്രാ നിരക്ക് വര്ധിപ്പിക്കാതെ ബസ് വ്യവസായത്തെ സംരക്ഷിച്ചു കൊണ്ടു പോകാന് കഴിയില്ലെന്നാണ് ബസുടമകളുടെ നിലപാട്. നിരക്ക് വര്ധന ആവശ്യപ്പെട്ട് കൊണ്ടുള്ള സമരം ആരംഭിക്കുന്നതിനു മുന്നോടിയായി ഏപ്രില് മാസത്തില് കാസര്കോട് നിന്നു തിരുവനന്തപുരം വരെ വാഹന പ്രചരണ ജാഥ നടത്താനാണ് ബസുടമകളുടെ തീരുമാനം.
