കാസര്കോട്: ഒന്നരലക്ഷം രൂപ വില വരുന്ന ഹാഷിഷ് ഓയിലും കഞ്ചാവുമായി യുവാവ് അറസ്റ്റില്. തളങ്കര, വില്ലേജിലെ ബാങ്കോട് സീനത്ത് നഗറിലെ ബി. അഷ്കര് അലി (36)യെയാണ് കാസര്കോട് എക്സൈസ് റേഞ്ച് ഇന്സ്പെക്ടര് ജെ.ജോസഫിന്റെ നേതൃത്വത്തില് പിടികൂടിയത്. ബുധനാഴ്ച രാത്രി കാസര്കോട് റെയില്വെസ്റ്റേഷന് പരിസരത്ത് വച്ചാണ് അറസ്റ്റ്. പ്രതിയുടെ കൈവശം ഉണ്ടായിരുന്ന ബാഗില് നടത്തിയ പരിശോധനയില് 212 ഗ്രാം ഹാഷിഷ് ഓയില് 122 ഗ്രാം കഞ്ചാവ് എന്നിവ കണ്ടെടുത്തതായി എക്സൈസ് അധികൃതര് അറിയിച്ചു. സംശയത്തിന്റെ അടിസ്ഥാനത്തില് അസ്കര് അലി ആഴ്ചകളായി നിരീക്ഷണത്തിലായിരുന്നു. കൂട്ടാളികളെ കണ്ടെത്താന് അന്വേഷണം ഊര്ജ്ജിതമാക്കിയതായി കൂട്ടിച്ചേര്ത്തു.
എക്സൈസ് സംഘത്തില് അസി. എക്സൈസ് ഇന്സ്പെക്ടര് കെ.വി വിനോദന്, പ്രിവന്റീവ് ഓഫീസര് കെ.വി രഞ്ജിത്ത്, സിഇഒമാരായ ഗീത, എ.വി പ്രശാന്ത് കുമാര്, ടി. കണ്ണന് കുഞ്ഞി, സിഎം അമല്ജിത്ത്, ടി.സി അജയ്, ഡ്രൈവര് മൈക്കിള് എന്നിവരും ഉണ്ടായിരുന്നു. പിടിയിലായ അഷ്കര് അലി എക്സൈസ് ഇന്റലിജന്സ് ബ്യൂറോ പ്രിവന്റീവ് ഓഫീസര് ബിജോയിയുടെയും സംഘത്തിന്റെയും നിരീക്ഷണത്തിലായിരുന്നു.
