Author: WEB EDITOR

കാസര്‍കോട്: ഗുളിക വനത്തിലെ പഠിപ്പുര മലിനപ്പെടുത്തിയെന്ന കേസിലെ പിടികിട്ടാപ്പുള്ളി അറസ്റ്റില്‍. ഉപ്പള, ഹിദായത്ത് നഗറിലെ ഓട്ടോ ഡ്രൈവര്‍ മുഹമ്മദ് സിറാജി(33)നെയാണ് കുമ്പള പൊലീസ് ഇന്‍സ്പെക്ടര്‍ കെ.പി വിനോദ് കുമാറും സംഘവും അറസ്റ്റു ചെയ്തത്. 2012 നവംബര്‍ 20നാണ് കേസിനാസ്പദമായ സംഭവം. ഉപ്പള, സോങ്കാലിലെ ഗുളിക വനത്തിന്റെ പഠിപ്പുര മലിനമാക്കിയെന്നാണ് കേസ്. പ്രസ്തുത കേസില്‍ നവംബര്‍ 21ന് കുമ്പള പൊലീസ് പ്രതിയെ അറസ്റ്റു ചെയ്തിരുന്നു. പിന്നീട് ജാമ്യത്തിലിറങ്ങി മുങ്ങിയ മുഹമ്മദ് സിറാജിനെ പിടികൂടാന്‍ പൊലീസ് വ്യാപകമായ അന്വേഷണം നടത്തിയെങ്കിലും …

Read more “ഗുളികവനത്തിലെ പഠിപ്പുര മലിനപ്പെടുത്തിയ കേസ്; ഉപ്പള സ്വദേശിയായ പിടികിട്ടാപ്പുള്ളി 13 വര്‍ഷത്തിനു ശേഷം അറസ്റ്റില്‍”

കാസര്‍കോട്: കുമ്പള, കോയിപ്പാടി, നാരായണമംഗലത്ത് യുവാവിനു കുത്തേറ്റു. വി.വി മധു(46)വിനാണ് കുത്തേറ്റത്. ഗുരുതരമായി പരിക്കേറ്റ ഇയാളെ കുമ്പള സഹകരണ ആശുപത്രിയില്‍ പ്രാഥമിക ചികിത്സ നല്‍കിയ ശേഷം മംഗ്‌ളൂരുവിലെ ആശുപത്രിയില്‍ പ്രവേശിപ്പിച്ചു. സംഭവത്തില്‍ സഹോദരി ഭര്‍ത്താവായ നാരായണമംഗലത്തെ മോഹനനെ കുമ്പള പൊലീസ് ഇന്‍സ്‌പെക്ടര്‍ കെ.പി വിനോദ് കുമാര്‍ അറസ്റ്റു ചെയ്തു. വെള്ളിയാഴ്ച രാത്രി 11.45മണിയോടെയാണ് സംഭവം. മദ്യലഹരിയില്‍ സഹോദരിയെ മര്‍ദ്ദിക്കുന്നതിനെ ചോദ്യം ചെയ്ത വിരോധത്തില്‍ കുത്തിപ്പരിക്കേല്‍പ്പിക്കുകയായിരുന്നുവെന്നു കുമ്പള പൊലീസ് രജിസ്റ്റര്‍ ചെയ്ത കേസില്‍ പറയുന്നു.

കാസര്‍കോട്: പുലര്‍ച്ചെ മാരക മയക്കുമരുന്നായ എംഡിഎംഎയുമായെത്തിയ മധ്യവയസ്‌കന്‍ അറസ്റ്റില്‍. ഉപ്പള, മണിമുണ്ട ഹൗസില്‍ മുഹമ്മദ് ഹര്‍ഷാദി (50)നെയാണ് ഡിവൈ.എസ്.പി സി.കെ സുനില്‍ കുമാറിന്റെ സ്‌ക്വാഡും കുമ്പള എസ്.ഐ കെ.പി ഗണേശനും ചേര്‍ന്ന് അറസ്റ്റു ചെയ്തത്. ശനിയാഴ്ച പുലര്‍ച്ചെ മൂന്നര മണിയോടെ ബന്തിയോട്ട് വച്ചാണ് അറസ്റ്റ്. ഇയാളില്‍ നിന്നു 3.53 ഗ്രാം എംഡിഎംഎ കണ്ടെടുത്തു. ഇടിഞ്ഞു പൊളിഞ്ഞ ഒരു കെട്ടിടത്തിനു സമീപത്ത് സംശയകരമായ സാഹചര്യത്തില്‍ കാണപ്പെട്ട മുഹമ്മദ് ഹര്‍ഷാദിനെ കസ്റ്റഡിയിലെടുത്ത് പരിശോധിച്ചപ്പോഴാണ് മയക്കുമരുന്നു കണ്ടെത്തിയത്.

കാസര്‍കോട്: സ്ത്രീയ ആക്രമിച്ച കേസിലെ പ്രതിയായ പിടികിട്ടാപ്പുള്ളിയെ പൊലീസ് അറസ്റ്റു ചെയ്തു. ബന്തിയോട്ടെ ജലീലി(35)നെയാണ് കുമ്പള പൊലീസ് ഇന്‍സ്‌പെക്ടര്‍ കെ.പി വിനോദ് കുമാറും പ്രൊബേഷന്‍ എസ്‌ഐ അനന്തകൃഷ്ണനും ചേര്‍ന്ന് അറസ്റ്റു ചെയ്തത്. 2019ല്‍ കേസില്‍ പ്രതിയായതിനെ തുടര്‍ന്ന് ഒളിവില്‍ പോയ ജലീലിനെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നുവെന്നു പൊലീസ് പറഞ്ഞു. സ്ത്രീയ അക്രമിച്ച കേസിനു പുറമെ അടിപിടിക്കേസിലും ഇയാള്‍ പ്രതിയാണെന്നു കൂട്ടിച്ചേര്‍ത്തു.

കാസര്‍കോട്: ഇന്‍സ്റ്റഗ്രാമിലൂടെ പരിചയത്തിലായ പെണ്‍കുട്ടിയെ പീഡിപ്പിച്ച കേസിലെ പ്രതി കാഞ്ഞങ്ങാട്ട് പിടിയില്‍. തിരുവനന്തപുരം, ചിറയിന്‍കീഴ് സ്വദേശി കാര്‍ത്തികേയന്‍ എന്ന അച്ചു (20) ആണ് അറസ്റ്റിലായത്. കാഞ്ഞങ്ങാട്, കുശാല്‍ നഗര്‍ സബിത ക്വാര്‍ട്ടേഴ്‌സില്‍ താമസിച്ചുവരികയായിരുന്നു. ചിറയിന്‍കീഴ് പൊലീസ് ഇന്‍സ്‌പെക്ടര്‍ ഷൈജുവിന്റെ നേതൃത്വത്തിലുള്ള പൊലീസ് സംഘം ഹൊസ്ദുര്‍ഗ് പൊലീസിന്റെ സഹായത്തോടെയാണ് അച്ചുവിനെ പിടികൂടിയത്. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചതിനു ഇയാള്‍ക്കെതിരെ ചിറയിന്‍കീഴ് പൊലീസ് പോക്‌സോ പ്രകാരം കേസെടുത്തിരുന്നു. ഇതോടെ നാട്ടില്‍ നിന്നു മുങ്ങിയ അച്ചു പല സ്ഥലങ്ങളില്‍ കറങ്ങിത്തിരിഞ്ഞ ശേഷമാണ് കാഞ്ഞങ്ങാട്ട് …

Read more “ഇന്‍സ്റ്റഗ്രാമിലൂടെ പരിചയപ്പെട്ട പെണ്‍കുട്ടിയെ പീഡിപ്പിച്ച ശേഷം മുങ്ങി; 20കാരനെ കാഞ്ഞങ്ങാട്ടെ ക്വാര്‍ട്ടേഴ്‌സ് വളഞ്ഞു പിടികൂടി”