മലപ്പുറം: നിലമ്പൂരിലെ മലയോരങ്ങളില് വന്യമൃഗങ്ങള് മനുഷ്യരെ കടിച്ചു കീറുമ്പോള് ഇടതു സ്ഥാനാര്ത്ഥി പ്രണയത്തെക്കുറിച്ചു പ്രസംഗിച്ചു നടക്കുകയാണെന്നു സ്വതന്ത്ര സ്ഥാനാര്ത്ഥി പി.വി അന്വര് പരിഹസിച്ചു.
വലതുമുന്നണി സ്ഥാനാര്ത്ഥി മണ്ഡലത്തില് ഫാഷന്ഷോ പ്രചരണത്തില് മുഴുകിയിരിക്കുകയാണെന്നു അന്വര് പറഞ്ഞുു.
അന്വറിന്റെ സാന്നിധ്യം നിലമ്പൂര് ഉപതിരഞ്ഞെടുപ്പു പ്രചരണ രംഗത്തു ചൂടു പകരുന്നുണ്ട്.
നിലമ്പൂര് നഗരസഭയിലെ എല്.ഡി.എഫ് കൗണ്സിലറും ജനതാദള് എസ് ദേശീയ സമിതി അംഗവുമായ എരഞ്ഞിക്കല് ഇസ്മയിലും 50 ദള് പ്രവര്ത്തകരും തൃണമൂല് കോണ്ഗ്രസില് ചേര്ന്നതിനെ കുറിച്ചു വാര്ത്താ സമ്മേളനം നടത്തുകയായിരുന്നു അന്വര്. പ്രചരണം രണ്ടു ദിവസം മണ്ഡലം തലത്തില് നടത്തുമെന്നും ജനങ്ങള്ക്കു തന്നെ അറിയുമെന്നും അന്വര് പറഞ്ഞു. ഒരു ലക്ഷം വരെ വോട്ടു തനിക്കു ലഭിച്ചേക്കുമെന്നു അന്വര് പറഞ്ഞു. അതു ചിലപ്പോള് പ്രിയങ്കാ ഗാന്ധിക്കു ലഭിച്ച അത്രയുമായാലും അത്ഭുതപ്പെടേണ്ടതില്ല-അദ്ദേഹം കൂട്ടിച്ചേര്ത്തു. കേരളത്തിലെ പ്രമുഖ കരാറുകാര് ഇരുമുന്നണികള്ക്കും വേണ്ടി മണ്ഡലത്തില് ഫണ്ട് വാരി വിതറുകയാണെന്ന് അന്വര് പറഞ്ഞു.
ചെര്ക്കള ടൗണ് ഹൈവേ നിര്മ്മാണം: അനീതി തുടര്ന്നാല് അനിശ്ചിതകാല സമരം: കല്ലട്ര മാഹിന് ഹാജി എം എല് എ
Monday, 29 June 2026, 15:10
