Author: WEB EDITOR

കാസര്‍കോട്: 2004ല്‍ കര്‍ണ്ണാടക, ബണ്ട്വാളിലെ ക്ഷേത്രത്തില്‍ നടന്ന കവര്‍ച്ചയുമായി ബന്ധപ്പെട്ട് പൊലീസ് അന്വേഷിച്ചിരുന്ന പ്രതി കാസര്‍കോട്ട് അറസ്റ്റില്‍. കര്‍ണ്ണാടക, പുത്തൂര്‍, ഉഡ്ഡംഗളയിലെ മുഹമ്മദ് ഷെരീഫി(44)നെയാണ് വിദ്യാനഗര്‍ കോടതി പരിസരത്ത് വച്ച് വേഷം മാറിയെത്തിയ ബണ്ട്വാള്‍ പൊലീസ് ഓടിച്ചിട്ട് പിടികൂടിയത്. പുത്തൂര്‍ സ്വദേശിയായ ഇയാള്‍ കുറച്ചു കാലമായി ബദിയഡുക്ക പൊലീസ് സ്റ്റേഷന്‍ പരിധിയില്‍ താമസിക്കുന്നുണ്ടെന്ന രഹസ്യവിവരം പൊലീസിനു ലഭിച്ചിരുന്നു. ഇതേ തുടര്‍ന്നാണ് ബണ്ട്വാള്‍ പൊലീസ് കാസര്‍കോട്ടെത്തിയത്. കൂടുതല്‍ വിവരങ്ങള്‍ പുറത്തുവിട്ടിട്ടില്ല.

കാസര്‍കോട്: 3428 പാക്കറ്റ് നിരോധിത പുകയില ഉല്‍പ്പന്നങ്ങളുമായി യുവാവ് അറസ്റ്റില്‍. ഷേണി അരിയപ്പാടിയിലെ ഇളിഞ്ചംഹൗസിലെ എം.എച്ച് അബ്ദുല്‍ ജാബിറി(28) നെയാണ് ബദിയടുക്ക എസ്.ഐ കെ.ആര്‍ ഉമേശനും സംഘവും അറസ്റ്റു ചെയ്തത്. ചൊവ്വാഴ്ച വൈകുന്നേരം മുണ്ട്യത്തടുക്ക, പള്ളത്തിനു സമീപത്തു പട്രോളിംഗ് നടത്തുകയായിരുന്നു പൊലീസ്. ഈ സമയത്ത് ഒരു ചാക്കുകെട്ടുമായി നില്‍ക്കുകയായിരുന്നു അബ്ദുല്‍ ജാബിറെന്നു പൊലീസ് പറഞ്ഞു. പരുങ്ങുന്നതു കണ്ട് സംശയം തോന്നി ചാക്കു തുറന്നു നോക്കിയപ്പോഴാണ് പുകയില ഉല്‍പ്പന്നങ്ങള്‍ കണ്ടെത്തിയതെന്നു പൊലീസ് പറഞ്ഞു.