മുന് ഡിവൈഎഫ്ഐ നേതാവ് സച്ചിതാറൈയുടെ തൊഴില് തട്ടിപ്പില് കുടുങ്ങിയ യുവതിയുടെ മാതാവ് ജീവനൊടുക്കി; 12.70 ലക്ഷം രൂപ നഷ്ടപ്പെട്ട വിഷമമാണ് കാരണമെന്നു സംശയം
കാസര്കോട്: ജോലിത്തട്ടിപ്പില് കുടുങ്ങി 12.70 ലക്ഷം രൂപ നഷ്ടപ്പെട്ട കേസിലെ പരാതിക്കാരിയുടെ മാതാവ് ഷെഡിനകത്തു കെട്ടിത്തൂങ്ങി ജീവനൊടുക്കി. ബദിയഡുക്ക പൊലീസ് സ്റ്റേഷന് പരിധിയിലെ പള്ളത്തടുക്ക, നെല്ലിക്ലായയിലെ അരവിന്ദാക്ഷന്റെ ഭാര്യ സരോജിനി (50)യാണ് ജീവനൊടുക്കിയത്. വെള്ളിയാഴ്ച രാവിലെയാണ് സംഭവം. ഭര്ത്താവ് അരവിന്ദാക്ഷന് പാലു കൊടുക്കാന് പോയി തിരിച്ചെത്തിയപ്പോഴാണ് സരോജിനിയെ തൂങ്ങിയ നിലയില് കണ്ടെത്തിയത്. ഉടന് തന്നെ താഴെയിറക്കി സ്വകാര്യ ആശുപത്രിയില് എത്തിച്ചുവെങ്കിലും ജീവന് രക്ഷിക്കാന് കഴിഞ്ഞില്ല. മൃതദേഹം പോസ്റ്റുമോര്ട്ടത്തിനായി ജനറല് ആശുപത്രി മോര്ച്ചറിയിലേക്ക് മാറ്റി. ബദിയഡുക്ക പൊലീസ് കേസെടുത്തു. …
