സ്കൂള് കലോത്സവ വേദിയില് വീണ്ടും വിവാദം; ആദ്യം മംഗലംകളി ടീമിലെ അംഗങ്ങളെ കുറച്ചു, പിന്നാലെ വിധികര്ത്താക്കളെ കുറിച്ചും ആശങ്ക
കാസര്കോട്: സ്കൂള് കലോത്സവത്തില് ഇത്തവണ ഉള്പ്പെടുത്തിയ മത്സരയിനമായ മംഗലംകളി വിലയിരുത്തല് വിവാദത്തില്. ഓരോ ടീമിലും 16 അംഗങ്ങളെ ഉള്പ്പെടുത്താമെന്ന് ആദ്യം മാന്വല് പുറത്തിറക്കുകയും പിന്നീട് എണ്ണം യാതൊരു മുന്നറിയിപ്പുമില്ലാതെ 12 ആയി ചുരുക്കിയതും ഉണ്ടാക്കിയ ആശയക്കുഴപ്പവും വിവാദവും തുടരുന്നതിനിടയിലാണ് വിധി കര്ത്താക്കളെ സംബന്ധിച്ച ആശയകുഴപ്പവും ഉടലെടുത്തത്.തുടികൊട്ടിപ്പാടിയാണ് ഗോത്രകലാരൂപമായ മംഗലം കളി അവതരിപ്പിക്കുക. 16 പേരടങ്ങിയ സംഘമാണ് ഓരോ ടീമിലുംവേണ്ടത്. 10 പേര് കളിക്കുമ്പോള് ആറു പേര് കൊട്ടാനും പാടാനുമായി വേണം. എന്നാല് 12 പേര് മതിയെന്ന മാന്വല് …
